Աֆղանստանում յոթ ոստիկան և շրջանի ղեկավար է զոհվել թալիբների հարձակման հետևանքով
«Թալիբան» արմատական շարժման զինյալները Աֆղանստանի կենտրոնական մասում գրոհել են Ղազնի քաղաքի շրջանային վարչակազմի շենքը եւ ոստիկանության հսկիչ անցակետը, ինչի հետեւանքով զոհվել են շրջանի ղեկավարը եւ յոթ ոստիկան: Այդ մասին հայտնել է Tolo News հեռուստաալիքը:
Միջադեպը տեղի է ունեցել լույս ապրիլի 12-ի գիշերը:
«Ալի Շամս Դոստը (շրջանի ղեկավարը) եւ յոթ ոստիկաններ են սպանվել բախումների ընթացքում»,- հայտնել է ոստիկանությունը, հավելելով, որ եւս ինը ոստիկաններ տուժել են:
Բացի այդ նշվում է, որ զոհվել են 27 թալիբ զինյալներ, հաղորդել է ՌԻԱ Նովոստին:
