Սիրիայի երկինքն ամայացել է
Սիրիայի երկնքում գործնականում դադարել են օդային փոխադրումները: Այս մասին վկայում են Flightradar24 պորտալի տվյալները:
Ավելի վաղ Եվրոպայի թռիչքների անվտանգության գործակալությունը (EASA) բոլոր ավիաընկերություններին խորհուրդ է տվել առաջիկա 72 ժամում ուժեղացնել վերահսկողությունն Արեւելյան Միջերկրականում՝ Սիրիայի տարածքին թեւավոր հրթիռներով հնարավոր հարվածների եւ նավիգացիոն սարքավորանքի աշխատանքի հավանական խափանումների պատճառով:
«Ռոսավիացիա»-ից համանման հանձնարարական են ստացել Ռուսաստանի բոլոր ավիափոխադրողները:
Ապրիլի 11-ին ավելի վաղ Պենտագոնի պաշտոնատար անձինք հայտնել են, որ ԱՄՆ-ի զինված ուժերը պատրաստ են հարվածներ հասցնելու Սիրիայի տարածքին: Հավաստվում է, որ մարտական պատրաստության են բերված դիրքերում գտնվող նավերը, ինքնաթիռները եւ թեւավոր հրթիռները:
«Նախագահ Թրամփից հրամանն սպասվում Է ամեն րոպե»,- մեջբերել է i24News հեռուստաալիքի լրագրող Դավիթ Շուստերն ԱՄՆ-ի զինվորական գերատեսչության աղբյուրի խոսքը:
https://www.youtube.com/watch?v=FlWnDQ6j600
