ԵՄ-ն կավելացնի ՀՀ-ին տրամադրվող ֆինանսական աջակցությունը
Եվրոպական Միությունը կավելացնի Հայաստանին տրամադրվող ֆինանսական աջակցությունը՝ «Համապարփակ և ընդլայնված գործընկերության մասին» համաձայնագրի արդյունավետ իրականացումն ապահովելու նպատակով: Այս մասին ԱԺ-ում ՀՀ-ԵՄ համաձայնագիրը վավերացնելու հարցի քննարկման ժամանակ հայտարարեց ՀՀ արտաքին գործերի նախարարի տեղակալ Կարեն Նազարյանը:
«2017-2020 թվականների համար Հայաստանին տրամադրվելու է Եվրամիության օժանդակության ծրագրված ծավալը, որը կկազմի մոտավորապես 170-175 միլիոն եվրո»,-ասաց փոխնախարարը:
Նա տեղեկացրեց, որ ԵՄ-ի կողմից հաստատվել է համապատասխան փաստաթուղթը, որը կրում է «Միասնական ֆինանսական աջակցություն» խորագիրը:
