Սիրիական ճգնաժամի հետևանքով ռուս-ամերիկյան հարաբերությունները աննախադեպ լարվել և կոնֆրոնտացիայի են վերածվել ոչ միայն տարածաշրջանային քաղաքականության կոնտեքստում, այլև միջազգային հարթակներում։ Սա էր պատճառներից մեկը, որ ՄԱԿ անվտանգության խորհուրդը շաբաթներ շարունակ չէր կարողանում Բան Կի Մունին իրավահաջորդ ընտրել։
Այսօր ԱԺ-ում լրագրողների հետ զրույցում ՀԱԿ խմբակցության ղեկավար Լևոն Զուրաբյանը, մեկնաբանելով Գագիկ Ծառուկյանի` քաղաքականություն հնարավոր վերադարձի հարցը, հայտարարեց, թե կոնկրետ անձինք ինչ ունեն անելու և չանելու, դա նրանց սահմանադրական իրավունքն է:
«Համաձայն չեմ այն տեսակետների հետ, թե Կենտրոնական ընտրական հանձնաժողովն այդքան շատ կարևորություն չունի, մեծ գործ չունի անելու. բացարձակապես դա չի համապատասխանում այն կարգավիճակին, որ սահմանվել է Սահմանադրությամբ»,- Այսօր Ազգային ժողովի հերթական նիստին Կենտրոնական ընտրական հանձնաժողովի անդամների և նախագահի ընտրության հարցի քննարկման ժամանակ ասաց ՀՅԴ ղեկավար Արմեն Ռուստամյանը։
Մինչև վերջին օրերը Վրաստանում եղել է օրինակելի նախընտրական իրադրություն, սակայն վերջին օրերի իրադարձությունները փոխել են պատկերը։ Այս մասին, ինչպես հայտնում է «Գրուզիա օնլայնը», լրագրողներին հայտնել է Վրաստանում ՄԱԿ-ի մշտական ներկայացուցիչ Նիլ Սքոթը՝ գնահատելով Վրաստանի նախընտրական միջավայրը։
«Գագիկ Ծառուկյանի վերադարձի մասին կոնկրետ բան չկա, և, քանի որ ես ծագումով հույն եմ, օգտվում եմ իմ հույն նախնի մեծ փիլիսոփա Հերակլեսի մտքից` «ամեն ինչ հոսում է, ամեն ինչ փոփոխվում է, և փոփոխության ենթակա է»»,- այսօր ԱԺ-ում լրագրողների հետ զրույցում հայտարարեց ԱԺ փոխխոսնակ Էդուարդ Շարմազանովը` պատասխանելով Գագիկ Ծառուկյանի` քաղաքականություն հնարավոր վերադարձի մասին 168.am-ի հարցին:
Միակ ուժը, որին ձեռնտում է Վրաստանում իրավիճակի ապակայունացումը, որը չի ցանկանում Վրաստանի եվրաինտեգրումն ու խաղաղությունը, Ռուսաստանն է, հայտարարել է «Ազատ դեմոկրատների» առաջնորդներից Ալեքսի Պետրիաշվիլին։
Հարցին` արդյո՞ք ՀՀԿ-ի համագումարում Կարեն Կարապետյանն իր տեխնոկրատների թիմով համալրելու է ՀՀԿ-ի շարքերը, իսկ վարչապետը զբաղեցնելու է նաև ՀՀԿ խորհրդի նախագահի պաշտոնը, Է.Շարմազանովը պատասխանեց. «Ես կոռեկտ չեմ համարում մինչև համագումարի օրակարգի հաստատումը ներկայացնել իմ գնահատականները»:
Ռուսական ռազմավարական ավիացիան Սիրիայում առաջին անգամ մարտական պայմաններում փորձարկել է նորագույն Х-101 հրթիռներ, հայտարարել է ՌԴ պաշտպանության նախարար Սերգեյ Շոյգուն, հայտնում է Interfax-ը։
Պետական եկամուտների կոմիտեն գործարկում է արտաքին տնտեսական գործունեությունը պարզեցնող էլեկտրոնային համակարգեր
«Երկար տարիներ կա միֆ, որ ԿԸՀ-ում նստած են մարդիկ, որ նկարելու լուրջ ունակություններ ունեն ու ինչ ուզում՝ նկարում են»,- այսօր Ազգային ժողովի հերթական նիստին՝ Կենտրոնական ընտրական հանձնաժողովի (ԿԸՀ) անդամների և նախագահի ընտրության հարցի քննարկման ժամանակ ասաց ԱԺ անկախ պատգամավոր Էդմոն Մարուքյանը։
ՎՏԲ-Հայաստան Բանկը, շարունակելով մշակել նոր՝ հաճախորդների կողմից պահանջված պրոդուկտներ, ներդրել է նոր տեսակի ժամկետային ավանդ ֆիզիկական անձանց համար՝ ավանդ «Հարմարավետ»: Նոր պրոդուկտի շնորհիվ Բանկի հաճախորդները կարող են հեշտությամբ և հարմարավետ կուտակել միջոցներ, ցանկացած ժամանակ համալրելով կամ ելքագրելով ավանդային միջոցները առանց կուտակված տոկոսների կորստի:
Ահաբեկչական «Ջաբհաթ Ֆատահ աշ-Շամը» (նախկինում՝ «Ջաբհաթ ան-Նուսրա», «Ալ Քաիդայի» սիրիական թևը) պատրաստվում է հարձակումներ իրականացնել Մեծ Բրիտանիայում և Եվրոպայում, հայտնում է Times-ը։
ՀՀ կառավարության նիստի ընթացքում այսօր աշխատակազմի ղեկավար-նախարար Դավիթ Հարությունյանն ասաց, որ զբոսաշրջության քաղաքականությունն ավելի արդյունավետ իրականացնելու համար առաջարկվում է նաև Տնտեսական զարգացման և ներդրումների նախարարության կազմում ստեղծել Զբոսաշրջության պետական կոմիտե:
Ադրբեջանական haqqin.az պորտալի փոխանցմամբ՝ հայ-ադրբեջանական զորքերի շփման գծում սպանվել է զինծառայող Սախիլ Սաբիր օղլու Մամեդովը։
«Ձեզ վիճակված է դառնալ այս անցումային ժամանակաշրջանի առաջնորդը, և ես հավատում եմ ձեր ուժերին, հավատում եմ, որ Հայաստանի Հանրապետության այս կառավարությունը կարող է անել այն, ինչ չի հաջողվել նախկին բոլոր կառավարություններին: Իհարկե, այս աշխատանքում դուք միայնակ չեք լինելու, ներդաշնակորեն գործելու են մեր երկրի բոլոր պետական օղակները: Ես դա խոստանում եմ»:
Մ. Մելքումյանը նկատեց, որ ոչ իշխանական քաղաքական ուժերն անցել են, ու իշխող քաղաքական ուժը միանձնյա չի որոշում՝ ով է նշանակվում քաղաքապետ. «Մի պահ է ստեղծվել, որ ոչ իշխանական ուժերը կարող են գնալ մի քայլի և փոփոխություն անել։ Դրա համար ԲՀԿ-ն հստակ ասել է, որ պատրաստ է միանալ ոչ իշխանական ուժերի միասնական կարծիքին, եթե դրա ռեալ նախապայմանները կան, կա կոնսոլիդացիա, ու սա կարող է հիմք հանդիսանալ՝ ապրիլյան ընտրություններից առաջ գնալու ու նման կոնսոլիդացիա ցույց տալու»։
Առաջին հանձնարարականը վերաբերում էր գնումներին: Նա նշեց, որ այս հարցի վերաբերյալ կա հանձնարարական, ստացվել են որոշակի նյութեր, քննարկվել, և ելնելով դրանից՝ Ֆինանսների նախարարին հանձնարարեց երկուշաբաթյա ժամկետում ներկայացնել գնումների մասնակի կենտրոնացման վերաբերյալ իրավական ակտերի նախագիծ, ինչը պետք է հիմնված լինի որոշակի կանոնների վրա:
ՀՀ կառավարության այսօրվա որոշմամբ՝ աշխատանքից ազատվեցին երկու նախարարությունների աշխատակազմերի ղեկավարներ: Մասնավորապես, աշխատանքից ազատվեցին ՀՀ քաղաքաշինության նախարարության աշխատակազմի ղեկավարի Էդգար Գևորգյանը և ՀՀ առողջապահության նախարարության աշխատակազմի ղեկավարի Արմեն Կարապետյանը:
ՀՀ կառավարության նիստի ավարտին վարչպետ Կարեն Կարապետյանը լավ տրամադրություն և լավ օր մաղթեց կառավարության անդամներին:
Սիրիայում՝ Թուրքիայի հետ սահմանակից Ատմե վրանային քաղաքում տեղի ունեցած ահաբեկչության զոհ է դարձել ավելի քան 20 մարդ, հայտնում է թուրքական Anadolu գործակալությունը։
«Կարծում եմ և համոզված եմ, որ մեր համագործակցությունը կլինի արդյունավետ, մաքսիմալ անկեղծ և բաց: Ուզում եմ կառավարության անդամներին նորից շնորհավորել և շնորհակալություն հայտնել համատեղ աշխատանքի համար, ինչպես նաև՝ ընդգծել Պաշտպանության նորանշանակ նախարարին և շնորհավորել նրան: Պարո´ն Սարգսյան, ակնհայտ է, որ մենք Ձեզ ցանկանում ենք ամենայն, ամենայն հաջողություն՝ հաշվի առնելով այն կարևորությունը և տեղը, որ ունի ՀՀ բանակը մեր կյանքում»,- ասաց Կարեն Կարապետյանը:
«No comment, no comment»,- այսօր ԱԺ-ում լրագրողներին հայտարարեց ԲՀԿ խմբակցության քարտուղար Նաիրա Զոհրաբյանը` հրաժարվելով մեկնաբանել տարածված տեղեկատվությունը ԲՀԿ-ի վերնախավի ու Գագիկ Ծառուկյանի հանդիպման մասին:
ՀՀ Արթուր Ջավադյանն աշխատանքային այցով մեկնել է Վաշինգտոն
«Արմաթ» ինժեներական լաբորատորիները WITSA Global Excellence Award մրցանակաբաշխությունում «Կայուն զարգացման» (Sustainable growth) անվանակարգում մրցանակի են արժանացել: Մրցանակաբաշխությունն ավանդակաբար անց է կացվում 6 անվանակարգում ՏՏ համաշխարհային համաժողովի (WCIT) շրջանակում` Տեղեկատվական տեխնոլոգիաների և ծառայությունների համաշխարհային ալյանսի (WITSA) կողմից:
«Ուզում եմ Ձեզ հավաստիացնել, որ մենք մեր ամենօրյա աշխատանքով ազդակ ենք տալու Հայաստանի Հանրապետության քաղաքացուն, որ գնում ենք դեպի իր սպասումներն ու ակնկալիքները բավարարելը»,- այս մասին քիչ առաջ ՀՀ կառավարությունում ՀՀ նախագահ Սերժ Սարգսյանի խոսքից հետո ասաց վարչապետ Կարեն Կարապետյանը:
ՀՀ կառավարության որոշմամբ՝ Վահե Հակոբյանը նշանակվեց Սյունիքի մարզպետ: Կառավարությունում որոշման նախագիծը ներկայացրեց ՀՀ տարածքային կառավարման և զարգացման նախարար Դավիթ Լոքյանը:
ՀՀ կառավարությունում նախագահ Սերժ Սարգսյանը շնորհավորեց կառավարության անդամներին՝ պետական բարձր պաշտոններում նշանակվելու կապակցությամբ` նրանց մաղթելով հաջողություն:
ՌԴ ԱԳՆ-ն մեկնաբանել է Սիրիայում ԱՄՆ-ի և Ռուսաստանի զինվորականների միջև ուղղակի բախման հնարավորությունը, հայտնում է RIA Novosti-ն։
Քիչ առաջ ՀՀ կառավարությունը որոշում կայացրեց Սուրիկ Խաչատրյանին ազատել Սյունիքի մարզպետի պաշտոնից: ՀՀ տարածքային կառավարման և զարգացման նախարար Դավիթ Լոքյանն ասաց, որ նա աշխատանքից ազատվում է իր դիմումի համաձայն:
Ռուսաստանը դադարեցրել է համագործակցությունը ԱՄՆ-ի հետ միջուկային և էներգետիկ ոլորտներում գիտական հետազոտությունների բնագավառում։ Համապատասխան վճիռը տեղադրված է ՌԴ կառավարության կայքում։
