Ղազախստանի նախագահի դուստրը՝ Դարիգա Նազարբաևան, որը զբաղեցնում էր երկրի վարչապետի տեղակալի պաշտոնը, չի ընդգրկվել նոր կառավարության կազմում։
Ռուսաստանը մտադիր է հասնել Սիրիայի հարցով ռուս-ամերիկյան պայմանավորվածությունների հրապարակմանը, հայտարարել է ՌԴ ԱԳՆ ղեկավար Սերգեյ Լավրովը Մոսկվայում կայացած մամուլի ասուլիսի ժամանակ։
ՀՀ իշխանությունը համաձայնել է հրապարակել ընտրությունից հետո հրապարակել ստորագրված ցուցակները, «4+4+4» ձևաչափով քննարկումների արդյունքում Ընտրական օրենսգրքի շուրջ համաձայնությունը ձեռք է բերվել և շաբաթ օրը կայացել է նախաստորագրումը, որին մասնակցել է 5 խմբակցություն և հ/կ ներկայացուցիչները:
«Հենց նոր ստացա մի տեղեկություն, որը կարող է օրակարգային դարձնել շատ կարևոր մի հարց, որը վերաբերում է «ՀՀ Ընտրական օրենսգրքին»»,- այսօր Ազգային ժողովի նիստի ժամանակ հայտարարեց ԱԺ ՀԱԿ խմբակցության ղեկավար Լևոն Զուրաբյանը։
Սեպտեմբերի 14-ին` երեկոյան ժամերին, առավելապես հյուսիսային շրջաններում, 15-17-ը շրջանների զգալի մասում ժամանակ առ ժամանակ սպասվում է անձրև և ամպրոպ, առանձին վայրերում հնարավոր է կարկուտ: 18-ին սպասվում է առանց տեղումների եղանակ:
Գերմանիայի ոստիկանությունը 3 սիրիացու է կալանավորել ծայրահեղական ԴԱԻՇ խմբավորման հետ համագործակցելու կասկածանքով, հայտնում է BBC-ն։
ՀՀ հատուկ քննչական ծառայությունը տեղեկացնում է, որ 2016թ. հուլիսի 29-ի լույս 30-ի գիշերը Երևան քաղաքի Սարի թաղում տեղի ունեցած դեպքերի վերաբերյալ քրեական գործի նախաքննության ընթացքում ձեռք բերված փաստական տվյալների հիման վրա մեղադրանք է առաջադրվել ևս մեկ անձի:
«Հովիկ Աբրահամյանը մեղմել է ռիսկերը և քաղաքական համերաշխություն է բերել: Հարգարժան նախկին վարչապետն իր հոր տանից չի բերել կառավարությունը»,- այսօր ԱԺ-ում լրագրողների հետ զրույցում հայտարարեց ԱԺ փոխնախագահ Էդուարդ Շարմազանովը՝ հավելելով, որ դա ՀՀԿ ձևավորած կառավարությունն է, որը պատասխանատու է թե՛ լավի, թե՛ վատի համար:
Հայաստանի մաս-ռեսթլիգի ֆեդերացիան «Քոչվորների համաշխարհային երկրորդ խաղերին» չի մասնակցել։ Այս մասին այսօրվա ասուլիսին հայտարարեց Հայաստանի մաս-ռեսթլիգի ֆեդերացիայի նախագահ Արտավազդ Նալբանդյանը՝ նշելով, որ իրենք մասնակցել են «Աշխարհի մաս-ռեսթլիգի առաջնությանը», որին մասնակցել են ԱՄՆ-ի, Ֆրանսիայի, Իտալիայի և այլ երկրների ներկայացուցիչները։
Ձևավորվել է այնպիսի միջավայր, որտեղ իշխանությունները ստիպված էին գնալ որոշակի զիջումների, որպեսզի որոշ չափով շահեն հանրային վստահությունը կամ առնվազն ցույց տան, որ իրենք պատրաստ են որոշակի քայլեր անել հանրային վստահությունը վերականգնելու համար։
ԱՄՆ-ը չեղարկել է «Ռոսոբորոնէքսպորտի» հետ համագործակցության վրա սահմանված պատժամիջոցների մի մասը, այսօր հայտարարել է ՌԴ նախագահ Վլադիմիր Պուտինի՝ Աֆղանստանի հարցով հատուկ ներկայացուցիչ Զամիր Քաբուլովը։ Այս մասին տեղեկացնում է RIA Novosti-ն։
«Սեյրան Օհանյանն այս պահին Հայաստանի պաշտպանության նախարարի պաշտոնակատարն է: Մենք նման հարց չենք քննարկել»,- նշեց Վ. Բաղդասարյանը՝ պատասխանելով հարցին՝ Սեյրան Օհանյանը կնշանակվի՞ ՀԱՊԿ գլխավոր քարտուղար, ինչպես հաղորդում են ռուսական լրատվամիջոցները:
ՀՀ գլխավոր դատախազի թեկնածու Արթուր Դավթյանը ընտրվելու դեպքում խոստանում է քայլեր ձեռնարկել մարտի 1-ի հանցագործությունները բացահայտելու և հանրությանը քրեական գործի ընթացքի վերաբերյալ տեղեկություններ տրամադրելու ուղղությամբ: Ազգային ժողովում ՀՀ գլխավոր դատախազի ընտրության հարցի քննարկման ժամանակ, պատասխանելով ՀԱԿ խմբակցության պատգամավոր Արամ Մանուկյանի հարցին, նա ընդգծեց, որ շատ լավ գիտակցում է, որ մարտի 1-ի հանցագործությունների դեպքերով հարուցված քրեական գործը հուզում է հանրությանը, ուստի իր գործունեությունը պայմանավորված է լինելու հենց այդ հանգամանքով:
«Կարենը շատ լավ ղեկավար ա: Ինքը՝ Կարեն Կարապետյանը, իրան ամեն տեղ ցույց ա տվել ու ստեղ էլ ա ցույց տալու ու շատ լավ կառավարություն ա լինելու»,- այսօր ԱԺ-ում լրագրողների հետ զրույցում հայտարարեց ՀՀԿ-ական գեներալ պատգամավոր Սեյրան Սարոյանը՝ խոսելով նոր վարչապետի նշանակման մասին:
«Նոր կառավարության ձևավորման շուրջ քննարկումները դեռ շարունակվում են: Կարեն Կարապետյանը ազատ է լինելու կադրային քաղաքականություն իրականացնելու հարցում»,- այս մասին լրագրողների հետ զրույցում ասաց ԱԺ ՀՀԿ խմբակցության ղեկավար Վահրամ Բաղդասարյանը՝ շնորհավորելով Կարեն Կարապետյանին վարչապետի պաշտոնում նշանակվելու կապակցությամբ:
Սեպտեմբերի 14-ին Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն` ԵԱՀԿ առաքելությունը Լեռնային Ղարաբաղի եւ Ադրբեջանի զինված ուժերի շփման գծի պլանային դիտարկում է անցկացնելու Ֆիզուլիի շրջանի Կարախանբեյլի բնակավայրի արեւելյան ուղղությամբ:
Տարածվել են «Քրդական աշխատավորական» կուսակցության (PKK) առաջնորդ Աբդուլլահ Օջալանի նոր հաղորդագրությունները։
Երևանում ռուս հեռուստահաղորդավար Դմիտրի Կիսելյովի համակարգմամբ գործող հայ-ռուսական «Գրիբոյեդով» քննարկումների ակումբը վերսկսում է իր երևանյան հանդիպումների նոր շրջափուլը։
Իրաքի անվտանգության ուժերը երկուշաբթի ոչնչացրել են ԴԱԻՇ-ի մոտ 100 զինյալի Մոսուլ քաղաքից հարավ գտնվող տարածքում՝ ահաբեկիչների հարձակումը հետ մղելիս։
«Ազգային ժողովը, Ազգային ժողովի պատգամավորները, հանրությունը Ղարաբաղի հարցում տեղի ունեցող պրոցեսների մասին տեղեկատվություն ստանում ենք արտերկրյա մամուլից»,- այսօր Ազգային ժողովի նիստի ժամանակ հայտարարեց պատգամավոր Նիկոլ Փաշինյանը, ըստ որի՝ այս խնդիրը պետք է շտկվի։
«Ժողովրդական ճակատ» և «Պյոտր Պորոշենկոյի բլոկ» խմբակցությունների պատգամավորները հայց են ներկայացրել Ուկրաինայի գլխավոր դատախազություն Օդեսայի մարզի նահանգապետ Միխայիլ Սաակաշվիլիի դեմ՝ նրան մեղադրելով կազմակերպված հանցավոր խմբի ստեղծման և երկրին 6,5 մլրդ գրիվնայի վնաս հասցնելու մեջ։
Այսօր Ազգային ժողովի 5-րդ գումարման 10-րդ նստաշրջանի ժամանակ ԱԺ «Ժառանգություն» խմբակցության պատգամավոր Զարուհի Փոստանջյանն առաջարկեց ԱԺ նախագահ Գալուստ Սահակյանին՝ երեք թեմայով հատուկ նիստեր հրավիրել։
Անկարան Վաշինգտոնին պաշտոնական հարցում է ուղարկել իսլամիստ քարոզիչ Ֆեթուլլահ Գյուլենին կալանավորելու համար։ Նա մեղադրվում է ռազմական հեղաշրջման փորձի կազմակերպման մեջ։
ՀՀԿ խորհրդի նիստի ժամանակ ներկայացվեցին բոլոր տարբերակները: ՀՀ վարչապետի պաշտոնը կարող է զբաղեցնել յուրաքանչյուր քաղաքացի:
Այսօր մեկնարկեց Ազգային ժողովի 5-րդ գումարման 10-րդ նստաշրջանը։ Պատգամավոր Տիգրան Ուրիխանյանն ԱԺ նախագահ Գալուստ Սահակյանին հարց ուղղեց, թե ինչո՞ւ հուլիսյան դեպքերի ժամանակ Ազգային ժողովը մերժեց պատգամավորների առաջարկը՝ արտահերթ նիստ հրավիրելու և ստեղծված իրավիճակը քննարկելու։
Այսօր «Սասնա ծռեր» զինված խմբավորման աջակիցները բողոքի ակցիա էին իրականացնում Ազգային ժողովի Դեմիրճյան փողոցի մուտքի մոտ՝ պատգամավորներից պահանջելով ազատ արձակել բոլոր քաղբանտարկյալներին: Սակայն պատգամավորներն անտարբեր անցնում էին նրանց կողքով:
Ջավախքի Ազգային արգելոցի աշխատակիցներն ու հյուրերը բնության մեջ հազվադեպ հանդիպող երևույթի են ականատես եղել։ Նրանց հնարավորություն է ընձեռվել հետևել ֆլամինգոների երամի միգրացիային, հայտնում է «Գրուզիա օնլայնը»։
Վրաստանի էկոնոմիկայի ու կայուն զարգացման նախարար Դմիտրի Կումսիշվիլին Բաթումում լրագրողների հետ ճեպազրույցի ժամանակ տեղեկացրել է, որ վրացական արտադրանքի ու ծառայությունների ավելի քան 95 տոկոսը չինական շուկա է տեղափոխվում առանց հավելյալ հարկման, հայտնում է «Գրուզիա օնլայնը»
ԱՄՆ պետքարտուղար Ջոն Քերին երկուշաբթի Վաշինգտոնում հանդես է եկել լրագրողների առաջ՝ պատմելով Սիրիայում հրադադարի ռեժիմի հաստատման մասին և ասել, որ դա, հնարավոր է, վերջին շանսն է Սիրիայում քաղաքական գործընթացի վերսկսման համար։
Սեպտեմբերի 8-ից 11-ը աշխատանքային այցով Արցախում գտնվող ՀՀ մարդու իրավունքների պաշտպան Արման Թաթոյանի խնդրանքով Արցախի օմբուդսմեն Ռուբեն Մելիքյանը ներկայացրել է ապրիլին ադրբեջանական ԶՈւ կողմից իրականացված դաժանությունների վերաբերյալ փաստահավաք աշխատանքի ընթացիկ արդյունքները։
