«Մանչեսթեր Յունայթեդը» հերքել է Գվարդիոլայի հետ անցկացրած բանակցությունների մասին տեղեկությունը
«Մանչեսթեր Յունայթեդն» անվանել է ոչ հավաստի տեղեկությունն այն մասին, որ «կարմիր սատանաների» ղեկավարները նախորդ շաբաթ Փարիզում հանդիպել են «Բավարիայի» գլխավոր մարզիչ Պեպ Գվարդիոլայի հետ` նրա՝ Անգլիայում հնարավոր աշխատանքի կապակցությամբ: Այդ մասին հաղորդում է BBC-ն:
Հիշեցնենք, որ Գվարդիոլան հայտարարել է այն մասին, որ մրցաշրջանի ավարտից հետո հեռանալու է «Բավարիայից»: Նրա նկատմամբ գլխավոր հավակնորդն է հանդիսանում «Մանչեսթեր Սիթին»: Բացի այդ, նրա ծառայություններով հետաքրքրված են նաև «Չելսին» և «Մանչեսթեր Յունայթեդը»:
Պատրաստեց Անի Գաբուզյանը
