Երևանի լիբանանյան ռեստորանում Քարդաշյան քույրերը շատ են հավանել հայկական փլավն ու գառան խորովածը
Քարդաշյան քույրերը հայաստանյան այցի օրերին ընթրել են նաև միջին արևելյան խոհանոցը ներկայացնող «Lebanon Tavern» ռեստորանում: Նրանց ռեստորանում ընդունել է սեփականատերը` Հովհաննես Ջիվանյանը: Քարդաշյանները ռեստորանում կերել են միջին արևելյան հարուստ խոհանոցի ուտեստներից, որոնց մեջ է եղել նաև արևելյան խորովածն ու հայկական փլավը:
Ինչպես հայտնի դարձավ 168.am-ին, քույրերին շատ է դուր եկել շիշ տաուկը (հավի կրծքամսից պատրաստված խորոված:-խմբ.) և հայկական փլավը:
Իսկ Քիմ Քարդաշյանին հատկապես դուր է եկել ռեստորանում մատուցվող գառան խորովածը: Նա ասել է, որ դա լավագունն է այն ամեն ինչից, ինչ ինքը երբևէ ճաշակել է: Իբրև շնորհակալություն Քարդաշյան քույրերը իրենց ստորագրություններն են թողել ափսեների վրա:
