Կանադան առաջին ավիահարվածներն է հասցրել Սիրիայում ԻՊ-ի դիրքերին
Բրիտանական Reuters լրատվական գործակալության փոխանցմամբ` Կանադայի ռազմաօդային ուժերն առաջին անգամ ավիահարվածներ են հասցրել Սիրիայի տարածքին: Այս մասին հայտարարել է Կանադայի պաշտպանության նախարար Ջեյսոն Քենին:
Նա ընդգծել է, որ առաջին ավիահարվածը վկայում է ահաբեկչության դեմ պայքարի հարցում իրենց կառավարության ամուր վճռականության մասին և ամրապնդում է միջազգային անվտանգությունն ու կայունությունը:
Ավիահարվածը հասցվել է այն բանից հետո, ինչ մարտին կառավարությունն ընդլայնել է «Իսլամական պետության» դեմ ռազմական առաքելության ոլորտը` այն երկարաձգելով մեկ տարով:
