Նարիշկինին հայաստանյան այցելության ժամանակ «նեղացրել» են. «Հրապարակ»
«Հրապարակ» թերթը գրում է. «Ռուսաստանի Պետդումայի նախագահ Սերգեյ Նարիշկինին հայաստանյան այցելության ժամանակ «նեղացրել» են: Նրա այցի շրջանակներում կազմակերպված «Եվրասիական տնտեսական հեռանկարներ» միջազգային համաժողովի շրջանակում կազմակերպված կլոր սեղան-քննարկման երկրորդ մասին Աժ նախագահ Գալուստ Սահակյանը չի մասնակցել:
Քննարկման առաջին մասում նախագահությունում նստած են եղել Աժ նախագահը, վարչապետը և Նարիշկինը, ընդմիջմանը ԱԺ նիստերի դահլիճին կից սրահում Հայրենական մեծ պատերազմում հաղթանակի 70-ամյակին նվիրված «Մեծ հաղթանակի ուղիներով» խորագրով ցուցահանդեսն է եղել, որից հետո շարունակվել է քննարկումը: Բայց շարունակությանը Գալուստ Սահակյանը չի մասնակցել: Նրա փոխարեն՝ Նարիշկինի կողքը, նախագահությունում նստել է ԱԺ փոխնախագահ Հերմինե Նաղդալյանը: Ասում են, թե այս վերաբերմունքից էլ Նարիշկինը վիրավորվել է»:
Մանրամասները՝ թերթի այսօրվա համարում
