Թուրքիայում արգելափակել են Twitter-ն ու Youtube-ը

Թուրքական Dünya Bülteni լրատվական կենտրոնի փոխանցմամբ՝ Թուրքիայում արգելափակվել են Twitter միկրոբլոգների ծառայությունն ու Youtube վիդեոհոսթինգը: Նման նախաձեռնությամբ հանդես է եկել դատախազությունը:

Որոշման համար պատճառ են հանդիսացել նախորդ շաբաթ զինյալների կողմից պատանդ վերցված թուրք դատախազ Մեհմեթ Սելիմ Քիրազի լուսանկարների տարածումն այդ ծառայություններում:

Սկզբնական շրջանում Թուրքիայի իշխանությունները մտադիր են եղել արգելափակել նաև Facebook սոցցանցի մուտքը, սակայն հետագայում հրաժարվել են այդ քայլից, քանի որ սոցցանցի ներկայացուցիչներն օպերատիվորեն վերացրել են վիճելի լուսանկարները:

Դրանց հրապարակման համար Թուրքիայում արգելափակվել է ավելի քան 150 կայք: