Փակ է ռուս-վրացական սահման տանող ճանապարհը
Новости-Грузия լրատվական գործակալության փոխանցմամբ՝ ռուս-վրացական սահման տանող Մցխեթ-Մտիանետի-Լարս ավտոմայրուղու Գուդաուրի-Կոբի հատվածում արգելվել է ավտոտրանսպորտի բոլոր տեսակների շարժը՝ կապված եղանակային վատ պայմանների հետ:
Սահմանափակումը գործում է թբիլիսյան ժամանակով ժամը 11.00-18.00-ին: Այս մասին հայտարարել է Վրաստանի տարածքային զարգացման ու ենթակառուցվածքների նախարարության ավտոճանապարհների դեպարտամենտը:
Ավտոմայրուղու 134-135-րդ կիլոմետրերին (Դարյալի կիրճ) արգելված է ավտոտրանսպորտի կանգը: Ճանապարհի մնացյալ հատվածներում երթևեկությունն ազատ է:
