Ուկրաինան ԱՄՀ-ից ստացել է 5 միլիարդ դոլարի առաջին տրանշը
Բրիտանական Reuters լրատվական գործակալության փոխանցմամբ՝ Ուկրաինան արդեն իսկ ստացել է 5 միլիարդ դոլարի առաջին տրանշը, ինչն իրականացվել է ԱՄՀ-ի հավանության արժանացրած 17.5 միլիարդ դոլարի ֆինանսավորման ծրագրի շրջանակներում:
Այս մասին հայտնել է Ուկրաինայի Ազգային բանկի մամլո ծառայությունը: Պլանավորված է, որ Ուկրաինան այդ 17.5 միլիարդ դոլարից 10 միլիարդ դոլարն ԱՄՀ-ից կստանա այս տարի: Ավելի վաղ Ուկրաինայի նախագահ Պյոտր Պորոշենկոն հայտարարել էր, որ Ուկրաինային անհրաժեշտ է 40 միլիարդ դոլարի օգնություն:
