«ՈՒԴԱՌ» և «Սվոբոդա» կուսակցությունները հայտարարել են խորհրդարանական դաշինքից իրենց դուրս գալու մասին
Ուկրաինական UNIAN լրատվական գործակալության փոխանցմամբ՝ «ՈՒԴԱՌ» և «Սվոբոդա» կուսակցությունները հայտարարել են խորհրդարանական դաշինքից իրենց դուրս գալու մասին, իսկ «Բատկիվշչինան» հանդես է գալիս վաղաժամ խորհրդարանական ընտրություններ անցկացնելու օգտին:
Խորհրդարանի այսօրվա նիստում «ՈՒԴԱՌ»-ի խմբակցության ղեկավար Վիտալի Կովալչուկը հայտարարել է դաշինքից «ՈՒԴԱՌ»-ի դուրս գալու մասին: Նա ընդգծել է, դա Ուկրաինայի նախագահին հնարավորություն կտա ցրել Ուկրաինայի խորհրդարանը և նշանակել խորհրդարանական վաղաժամ ընտրություններ:
«Սվոբոդա» խմբակցության նախագահ Օլեգ Տյագնիբոկն ընդգծել է, որ խմբակցությունը դուրս է եկել դաշիքնից, որպեսզի Ուկրաինայի նախագահը կարողանա արձակել խորհրդարանը: «Բատկիվշչինայի» խմբակցության առաջնորդ Սերգեյ Սոբոևն իր հերթին հայտարարել է, որ իրենք գնում են խորհրդարանական արտահերթ ընտրությունների:
