Զաքիր Հասանովն ընդունել է Ադրբեջանում ԿԽՄԿ-ի ներկայացուցչության ղեկավարին
Ադրբեջանական APA լրատվական գործակալության փոխանցմամբ՝ Ադրբեջանի պաշտպանության նախարար, գեներալ-գնդապետ Զաքիր Հասանովն ընդունել է Ադրբեջանում Կարմիր Խաչի Միջազգային Կոմիտեի ներկայացուցչության ղեկավար Դենիզ Դուրանին:
Այս մասին հայտնել է Ադրբեջանի ՊՆ-ի մամլո ծառայությունը: Հանդիպման ժամանակ կողմերը քննարկել են համատեղ գործունեությանը, Ղարաբաղյան հակամարտության կարգավորմանը և հումանիտար համագործակցությանն առնչվող հարցեր:
Միևնույն ժամանակ Քարվաճառում գերեվարված դիվերսանտների հարցով ԿԽՄԿ-ի հետ բանակցություններ է վարել Ադրբեջանի՝ փախստականների ու հարկադիր վերաբնակների հարցերով պետական հանձնաժողովը:
