Իրանը պատրաստ է ընթացիկ տարում երեք արբանյակ արձակել տիեզերք
Իրանական IRNA լրատվական գործակալության փոխանցմամբ՝ Իրանը պատրաստ է այս տարվա ընթացքում (ավարտվում է 2015 թվականի մարտին) տիեզերք արձակել սեփական արտադրության երեք արբանյակ: Այս մասին հայտարարել է Իրանի տիեզերական գործակալության ղեկավար Համիդ Ֆազելին:
Նրա խոսքերով՝ այս տարի տիեզերք կարձակվեն Tadbir, Sharif Sat և Fajr արբանյակները: Ֆազելին մանրամասնել է, որ Fajr արբանյակը կառուցել է երկրի պաշտպանության նախարարությունը: Իրանն իր առաջին արբանյակը՝ Omid, (Հույս) տիեզերք է արձակել 2009 թվականին: Իրանը տիեզերք արձակել է նաև «կյանքի պարկուճ», որում գտնվել է կենդանի:
