Դիսբակտերիոզ. Պատճառները, ախտանիշներն ու բուժումը
aroxj.am-ը գրում է. Դիսբակտերիոզները լինում են տարբեր տեսակների: Կախված կղանքում միկրոբի այս կամ այն տեսակի գերակշռումից տարբեր դիսբակտերիոզներ են ախտորոշվում՝ ստաֆիլոկոկային, նեխային, սնկային։ Երեխաների մոտ կարող է զարգանալ նաև կոլիբացիլային դիսբակտերիոզ։
Ախտանիշները: Առաջինը դա մարսողության խանգարման երևույթներն են, ինտոքսիկացիան, մարմնի զանգվածի կորուստը, փքվածության զգացումը, սակավարյունության զարգացումը, լյարդի և փայծաղի չափերի մեծացումը։ Բարձր տարիքի երեխաները գանգատվում են սրտխառնոցից, թուլությունից, բերանի անդուր համից, ախորժակի վատացումից։ Դիսբակտերիոզը ախտորոշվում է անամնեզի, կլինիկական պատկերի, հակաբիոտիկների կիրառումից հետո արդյունքի բացակայության կամ կղանքի վատացման հիման վրա։ Ախտորոշումը հաստատվում է կղանքային միկոոֆլորայի կրկնակի քննություններից հետո։
Բուժում: Հիմնական բուժման ձևը դիետան է, ֆերմենտային, վիտամինային թերապիան։ կան մի շարք դեղորայքաներ, որոնք կարգավորում են աղիքային միկրոֆլորան։ Փոքր տարիքի երեխաներին ցանկալի է կերակրել կրծքի կաթով: Եթե մոր մոտ կաթը բացակայում է բժիշկը նշանակում է թթու խառնուրդներ՝ «Նարինե», կեֆիր, մածուն։ Կարևոր նախապայման է, որ սնունդը լինի դյուրամարս, վիտամիններով և հանքային աղերով հարուստ։ Հակամիկրոբային դեղամիջոցներ նշանակելու դեպքում ցանկալի չէ հակաբիոտիկների կիրառումը։
Ամբողջությամբ՝ սկզբնաղբյուր կայքում:
