Անուշ Գրիգորյանը՝ բռնցքամարտի աշխարհի չեմպիոն
Այսօր ավարտվել է Սոֆիայում ընթացող Բռնցքամարտի Երիտասարդների աշխարհի առաջնությունը: Հայաստանի բռնցքամարտիկները փայլուն են հանդես եկել՝ նվաճելով օլիմպիական երկու ուղեգիր, ոսկե մեդալ և բրոնզե մեդալ։ Այս մասին իր ֆեյսբուքյան էջում գրել է ՀՀ բռնցքամարտի ֆեդերացիայի նախագահ Արթուր Գևորգյանը։
Բրոնզե մեդալակիր է դարձել Նարեկ Մանասյանը, իսկ աշխարհի չեմպիոնի կոչմանն արժանացել է Անուշ Գրիգորյանը՝ վճռական հաղթանակ տանելով այսօր։
«Շատ ուրախ եմ, որ հենց այսօր`Հայոց Ցեղասպանության օրը ,ապրիլի 24-ին, մեր Անուշիկը դարձավ աշխարհի չեմպիոն: Այսուհետ այս օրը հայ ժողովուրդը պետք է ունենա միմիայն հաղթանակ: Ի սրտե շնորհավորում եմ բոլորիս այս գեղեցիկ հաղթանակների կապակցությամբ: Հուսով եմ՝ սա առաջին հաջողությունն է, բայց ոչ վերջինը: Առջևում Նանջինգի պատանեկան օլիմպիական խաղերն են, և վստահ եմ, որ Անուշիկն ու Նարեկը այնտեղ էլ մեզ կուրախացնեն իրենց հաջողություններով»,- գրել է Ա. Գևորգյանը:
