Նախիջևանում ավարտվել են ադրբեջանական բանակի զորավարժությունները
Ադրբեջանական APA լրատվական գործակալույան փոխանցմամբ՝ Նախիջևանում ավարտվել են ադրբեջանական բանակի զորավարժությունները: Այս մասին հայտարարել է Ադրբեջանի ՊՆ-ի մամուլի ծառայությունը:
Զորավարժություններին մասնակցել է Առանձին համազորային բանակի զորամասերի անձնակազմը (մոտ 20.000 մարդ), մոտ 400 միավոր զրահատեխնիկա, ավիացիա, ՀՕՊ-ի համակարգեր, հրթիռային ու հրետանային զորքեր, ինչպես նաև հատուկջոկատայիններ:
Զորավարժությունների ժամանակ իրականացվել են տանկերի, զրահամեքենաների, հրթիռային ու հրետանային համակարգերի, ականանետերի ու հրաձգային զենքի կրակային փորձարկումներ: Ադրբեջանի պաշտպանության նախարար Զաքիր Հասանովը գոհունակություն է հայտնել զորավարժությունների արդյունքների կապակցությամբ:
