Մի շարք գողությունների հեղինակները ձերբակալվել են

Հունվարի 18-ին, ժամը 10.05-ին, ոստիկանության Արաբկիրի բաժնում հաղորդում էր ստացվել, որ 1951 թ. ծնված Էմա Խ.-ի բակից գողացել են 15 պարկ փայտ:

Ձեռնարկված օպերատիվ-հետախուզական միջոցառումների շնորհիվ պարզվել է, որ գողությունը կատարել են այլ հանցագործություն կատարելու համար ձերբակալված Ա. Սահակյանը և Ս. Ավագյանը:

Պարզվել է նաև, որ նրանք փետրվարի 28-ին նույն տուժողի տանը կից հողատարածքում գտնվող ավտոտնակից գողացել են 500 դոլար, հեռուստացույց և խոհանոցային կաթսաներ:
Ձեռնարկվում են միջոցառումներ գողոնը հայտնաբերելու ուղղությամբ:

Ա. Սահակյանը և Ս. Ավագյանը ձերբակալված են:

Կատարվում է նախաքննություն:

ՀՀ Ոստիկանություն