Կայանված ավտոմեքենայից գողություն են կատարել
Մարտի 11-ին, ժամը 16.30-ին, ոստիկանության Թումանյանի բաժնի ծառայողները, գողություն կատարելու կասկածանքով, բերման են ենթարկել 1961 թ. ծնված Սաղաթել Հ.-ին:
Պարզվել է, որ նա մարտի 10-ին գողացել է Ախթալա քաղաքի Թումանյան փողոցի թիվ 1 շենքի բակում կայանված «ՎԱԶ-2106» մակնիշի ավտոմեքենայի շարժիչի գլխիկը, շարժիչի մեկնարկիչը և վերամբարձիչը` պատճառելով մոտ 70.000 դրամի նյութական վնաս:
Գողոնն առգրավված է:
Կատարվում է հետաքննություն:
ՀՀ Ոստիկանություն
