Բնակարանների առուվաճառքի գործարքների քանակը 2013թ. հունվարի համեմատ աճել է 31.6%-ով
2014թ. հունվարին հանրապետությունում անշարժ գույքի նկատմամբ իրականացվել է 10,073 գործարք, որոնց քանակը 2013թ. դեկտեմբերի համեմատ նվազել է 44.9%-ով, իսկ 2013թ. հունվարի համեմատ աճել` 1.3%-ով:
Ըստ Անշարժ գույքի կադաստրի պետական կոմիտեի տվյալների, Երևան քաղաքում 2014թ. հունվարին, 2013թ. դեկտեմբերի համեմատ, բազմաբնակարան բնակելի շենքերի բնակարանների առուվաճառքի գործարքների քանակը նվազել է 14.1%-ով, իսկ 2013թ. հունվարի համեմատ աճել` 31.6%-ով: 2014թ. հունվարին Երևան քաղաքում բազմաբնակարան բնակելի շենքերի բնակարանների, 1քմ մակերեսի հաշվարկով, շուկայական միջին գները, 2013թ դեկտեմբերի համեմատ, աճել են 0.04%-ով:
2014թ. հունվարին մարզերում վաճառվել է բազմաբնակարան բնակելի շենքերի 305 բնակարան, որոնց քանակը, 2013թ. դեկտեմբերի համեմատ նվազել է 38.5%-ով, իսկ 2013թ. հունվարի համեմատ աճել` 1.0%-ով: 2014թ. հունվարին հանրապետության քաղաքներում, բացառությամբ Երևանը, բազմաբնակարան բնակելի շենքերի բնակարանների, 1քմ մակերեսի հաշվարկով, շուկայական միջին գները, 2013թ. դեկտեմբերի համեմատ աճել են 0.06%-ով:
