Ձգտելու ենք ամեն ինչ անել, որպեսզի Հակոբը վերադառնա. Սեյրան Օհանյան
Հայ ռազմագերի Հակոբ Ինջիղուլյանի գործով ՀՀ պաշտպանության նախարարությունը փորձում է ամեն ինչ անել, որպեսզի արդյունք ունենա: Այս մասին այսօր լրագրողների հետ զրույցում ասաց ՀՀ պաշտպանության նախարար Սեյրան Օհանյանը: Նա նշեց, որ հարևան պետության հետ պետական կապի բացակայության հետևանքով է գործը դանդաղում: «Ցավոք սրտի, մեր հարևանների հետ պետական կապի բացակայությունը բերում է նրան, որ արագ արդյունքի չենք կարողանում հասնել, բայց մենք ձգտելու ենք ամեն ինչ անել, որպեսզի Հակոբը վերադառնա, և ես, ինչպես խոսք էի տվել, նրա նկատմամբ ոչ մի քրեական հետապնդում չի լինելու»,- նշեց նախարարը:
