Մենք Ռուսաստանին թույլ չենք տա կանգնեցնել մեզ. Բիձինա Իվանիշվիլի
Die Welt-ին տված հարցազրույցի ժամանակ Վրաստանի վարչապետ Բիձինա Իվանիշվիլին անդրադարձել է Ռուսաստանի հետ հարաբերություններին. «Ռուսաստանի հետ քաղաքական հարաբերություններում ոչինչ չի փոխվել:
Մենք ցուցաբերում ենք հարաբերությունները կարգավորելու կամք: Սակայն այն, ինչ տեղի է ունենում այսպես կոչված Հարավային Օսիայի ու Աբխազիայի հետ սահմանինմ, հարցերը թողնում է բաց: Եվ այնուամենայնիվ, ես դեռ հույսեր ունեմ՝ կապված խնդիրը դիվանագիտական ճանապարհով լուծելու հետ:
Այն, ինչ տեղի է ունենում սահմանին, արդեն իսկ հանդիսանում է ճնշում (կապված Վրաստանի եվրաինտեգրման հետ): Սակայն մենք թույլ չենք տա կանգնեցնել մեզ: Ռուսաստանը երբեք պաշտոնապես իրեն չի հակադրել ԵՄ-ի հետ, սակայն նրա գործողություններում հստակ նկատվում է այդպիսի վերաբերմունք:
Ես չեմ կարողանում հասկանալ, թե Ռուսաստանն ինչ դեմ բան ունի Եվրոպային: ԵՄ-ի ու ՆԱՏՕ-ի հետ մերձեցումը մեր ռազմավարությունն է: Մենք ոչ մի դեպքում չենք փոխի այն»:
