Վրաստանում կտրուկ աճել է չինարեն սովորելու պահանջարկը
Грузия Online-ի փոխանցմամբ՝ Վրաստանում կտրուկ մեծացել է չինարեն սովորող մարդկանց քանակը: Վերջին շրջանում մեծ ուշադրություն է առաջացել այդ լեզվի նկատմամբ, ինչը որոշակիորեն պայմանավորված է նրանով, որ չինացիներն ու նրանց բիզնեսն ակտիվացել են Վրաստանում:
Չնայած նրան, որ չինարենեի ուսուցումն արժե բավական թանկ՝ նրա նկատմամբ հետաքրքրությունը մեծանում է օրեցօր, ինչը մասնավորապես վերաբերում է երիտասարդությանը: Չինարենի ուսուցիչների հաղորդմամբ՝ անհատական ուսուցումն արժե 250 լարի, զույգի դեպքում՝ 220 լարի, իսկ խմբակային պարապմունքները՝ 180 լարի:
Ուսուցումն իրականացնում են ինչպես վրացի ուսուցիչները, այնպես էլ Չինաստանից հրավիրված մասնագետները: Չինարենի նկատմամբ հետաքրքրության աճը կապված է ոչ միայն Չինաստանի տնտեսության աճի, այլև՝ չինական մշակույթի ու հեռանկարային զբաղվածության հետ:
