Պլանավորված չէ Ժնևյան բանակցությունների ձևաչափի փոփոխում. Զալկալիանի
Новости-Грузия լրատվական գործակալության փոխանցմամբ՝ Ժնևյան բանակցությունների հերթական փուլն անցկացվելու է նոյեմբերի 5-6-ին: Վրաստանի փոխարտգործնախարար Դավիթ Զալկալիանին հայտարարել է, որ պլանավորված չէ Ժնևյան բանակցությունների ձևաչափի փոփոխում.
«Վերջին փուլում (հունիսին) իրականացվել է բանակցությունների ձևաչափի փոփոխման փորձ: Մենք թույլ չենք տա դա: Այդ մասին մենք արդեն իսկ իրազեկել ենք Ժնևյան բանակցությունների համանախագահներին, և հաջորդ փուլը վերստին կանցկացվի նույն ձևաչափով: Մենք դեռ տեղեկություններ չունենք այն մասին, որ Սուխումի և Ցխինվալի ներկայացուցիչները ներկա չեն գտնվելու բանակցություններին»:
Ժնևյան բանակցությունները ԵՄ-ի, ՄԱԿ-ի ու ԵԱՀԿ-ի միջնորդությամբ անցկացվում են 2008 թվականի հոկտեմբերից՝ օգոստոսյան պատերազմից հետո:
