Վրաստանը մասնակցելու է Սոչիի օլիմպիական խաղերին. կառավարություն
Грузия Online-ի փոխանցմամբ՝ Վրաստանի կառավարությունը հատուկ հայտարարություն է արել Սոչիում կայանալիք Օլիմպիական խաղերի վերաբերյալ.
«Վրաստանի Ազգային օլիմպիական կոմիտեն Վրաստանի կառավարության աջակցությամբ բարի կամք է դրսևորել և ելնելով ռուս-վրացական հարաբերությունների կարգավորման կարևորությունից՝ որոշում է ընդունել մասնակցել 2014 թվականին Սոչիում կայանալիք Օլիմպիական խաղերին:
Մենք կարծել ենք և այժմ էլ կարծում ենք, որ մեր պետությունների հարաբերությունների կարգավորումն ունի չափազանց մեծ կարևորություն երկու երկրների քաղաքացիների համար: Դժբախտաբար, ռուսական կողմը դեռ արժանիորեն չի գնահատել Վրաստանի կողմից բարի կամքի դրսևորումը»:
