«Ժնև 2»-ը կարող է անցկացվել նոյեմբերի երկրորդ կեսին. Ջոն Քերի
Ռուսական РИА Новости լրատվական գործակալության փոխանցմամբ՝ ԱՄՆ պետքարտուղար Ջոն Քերին Ինդոնեզիայի Բալի կղզում Ռուսաստանի արտգործնախարար Սերգեյ Լավրովի հետ հանդիպման արդյունքներով լրագրողների հետ զրույցում հայտարարել է, որ իրենք բանակցել են Սիրիական հակամարտության կարգավորման շուրջ:
Քերին ընդգծել է, որ իրենք բանակցել են Սիրիայի վերաբերյալ «Ժնև 2» միջազգային խաղաղության կոնֆերանսը նոյեմբերի երկրորդ կեսին անցկացնելու շուրջ: Քերին հավելել է, որ ստույգ ժամկետը որոշելու է ՄԱԿ-ը՝ Սիրիայի հարցով ՄԱԿ-ի ու ԱՊԼ-ի հատուկ ներկայացուցիչ Լախդար Բրահիմիի հետ համագործակցությամբ:
Ավելի վաղ «Ժնև 2»-ի անցկացումը քանիցս հետաձգվել է՝ կապված դրա կազմակերպման խնդիրների հետ:
