«Այսօր մենք ապրում ենք այնպիսի օրերում, երբ հոգևոր կյանքը մղվել է երկրորդ պլան և այդ հոգևոր կյանքի մեջ Մովսես Խորենացի են փորձում մեկնաբանել ծիծաղելի ձևով։ Տեսնում ենք, որ Խորենացի մեկնաբանողները Խորենացի չեն կարդացել, կրթությանը չի կարելի այդպես հեշտությամբ ձեռք տալ։ Ի՞նչ է նշանակում՝ «մոդայիկ կրթություն», դա ռաբիս երաժշտությո՞ւն է, որ 1-2 տարի մոդայիկ լինի ու անցնի։ Մոցարտը, Կոմիտասը երբևէ մոդայիկ եղե՞լ են, նրանք միշտ եղել են, շարունակ են, ի՞նչ է նշանակում՝ մոդայիկ։ Սրանք բաներ են, որոնք ինձ վրա վատ նստվածք են թողել։
«2025 թվականը հայ ազգի համար պետք է լինի պայքարի շարունակության, չհիասթափվելու տարի։ Ցանկացած միջոցով, որով մենք կարող ենք հասնել իշխանափոխության և դրանով կանխել Հայաստանի երկրորդ ու անդառնալի կապիտուլյացիան, մենք բոլորս՝ լինի կենտրոնացված թե ապակենտրոն ձևով, կոնսենսուսը դա պետք է լինի, որ բոլորս պետք է պայքարենք։ Յուրաքանչյուրս մեր պայքարի մեջ պետք է լինենք արդյունավետ։
