Եկե՛ք լուծենք խնդիրը և եկե՛ք այնպես անենք, որ ընթացքում որևէ փորձություն չբերենք մեր գլխին: Չափն անցնել որևէ դեպքում չի կարելի. ոստիկանությունը ի վիճակի է լուծել ցանկացած խնդիր, բայց դա մեր նպատակը չէ: Եվ Աստծո սիրուն, հերի՛ք է կաթվածահար անեք քաղաքի կենտրոնը, պատասխանատվության բեռը բոլորիս ուսերին գնալով միայն ավելանալու է, անցե՛ք ավելի հանգիստ միջոցների, ազատե՛ք Բաղրամյան պողոտան և օգնե՛ք լուծումների փուլում և դրանց հանդեպ վստահության ամրապնդման հարցերում:
Ոստիկանական ուժերն այսօր ավելի ուժեղացված հսկողություն են իրականացնում Երևանում: Բազմաթիվ ոստիկանները կուտակված եբ Մաշտոց պողոտայի սկզբնամասում:
Հունիսի 27-ին, ժամը 12.05-ին ահազանգ է ստացվել, որ Երևանի Հաղթանակ թաղամասի 1-ին փողոցի սկզբնամասում տեղի է ունեցել ՃՏՊ՝ «Մերսեդես» մակնիշի ավտոմեքենան կողոշրջվել է և ծուխ է դուրս գալիս, տուժածներ չկան. անհրաժեշտ է փրկարարների օգնությունը:
«Վստահ եմ, որ երկու կողմից էլ տղամարդիկ իրենց մեջ էնքան ուժ կգտնեն, որ խորապես կուսումնասիրեն ստեղծված իրավիճակն ու ըմբռնումով կմոտենան այդ հարցին: Ես վաղուց եմ համոզվել, որ ամենաանելանելի վիճակից էլ՝ մինիմում երկու ելք կա, ու հույս ունեմ, որ խաղաղ ելք կգտնվի»:
ՀՀ հատուկ քննչական ծառայությունում քննվող քրեական գործի նախաքննության ընթացքում ձերբակալվել է ՀՀ փաստաբանական պալատի փաստաբան Եղիկ Ե.-ն` առանձնապես խոշոր չափերով կաշառք տալու փորձին օժանդակելու կասկածանքով:
Երևանի տարբեր վարչական տարածքներից տարբեր վարչական իրավախախտումներ կատարելու համար ոստիկանության հատուկ պահպանվող տարածք են տեղափոխվել տասնյակ տրանսպորտային միջոցներ: Այս մասին ի պատասխան 168.am-ի հարցի՝ ասացին ՀՀ ոստիկանության՝ հասարակայնության հետ կապի և լրատվության վարչությունից՝ նշելով, որ կազմվել են վարչական իրավախախումների վերաբերյալ արձանագրություններ:
«Պետք է լեցուն լինի ոչ միայն Բաղրամյան պողոտան, այլև հանրապետության բոլոր քաղաքների հրապարակները: Ես հավատում եմ, որ հետևողական և հավաքական պայքարը կտա իր արդյունքը և սակագինը կնվազի»:
Երեւանի Ֆրանսիայի հրապարակում քիչ առաջ ոստիկանությունը ջրցան մեքենա է տեղափոխել:
Ջրի որակական հատկանիշները բարձրացնելու համար օգտագործում ենք արիատորներ, եթե առանց արիատորի բաց թողնենք, ապա ջուրը թթվածնով չի հարստանա և չենք կարողանա համապատասխան խորանարդ մետրում արդյուավետ արտադրություն կազմակերպել»:
Երեկ Հանրապետական կուսակցությունում տեղի ունեցավ գործադիր մարմնի նիստ, որից հետո ԱԺ փոխնախագահ, ՀՀԿ խոսնակ Էդուարդ Շարմազանովը լրագրողների հետ զրույցում ասաց, որ որոշվել է՝ միջազգային աուդիտ անցկացնել ՀԷՑ-ում, որպեսզի պարզ ու թափանցիկ հանրությանը բացատրվի, թե ինչու է էլեկտրաէներգիայի սակագինը թանկացվում: Այնուամենայնիվ, ՀՀԿ խոսնակը չհստակեցրեց՝ աուդիտ անցկացնելու համար օրենքը կասեցվելո՞ւ է, թե՞ ոչ:
Այս պահին մեծ թվով ոստիկաններ են հավաքված Ազատության հրապարակում: Նրանց թիվը գնալով ավելանում է:
Խորը վշտով ընդունեցի ռուսաստանյան քաղաքական, պետական և հասարակական ականավոր գործիչներից մեկի՝ Եվգենի Մաքսիմի Պրիմակովի մահվան մասին լուրը, ում ներդրումը ռուսաստանյան պետականության զարգացման գործում դժվար է գերագնահատել:
Բաղրամյան պողոտայում ակցիայի մասնակիցները ծափերով ու շնորհավորանքներով դիմավորեցին, նրանց վրա կոնֆետներ լցրեցին, ինչպես նաև լուսանկարվեցին նրանց հետ
Հարգելի հայրենակիցներ, «Ո՛չ թալանին» քաղաքացիական նախաձեռնությունը ևս մեկ անգամ հիշեցնում է, որ բողոքի ակցիան կրում է խաղաղ բնույթ և իրականացվում է օրենքի շրջանակներում։ Ակցիայի մասնակիցները չեն օգտագործում ալկոհոլ խաղաղ հավաքի ժամանակ, սադրանքների չեն տրվում, աչալուրջ են և պահպանում են հանգստություն։
«Ո՛չ թալանին» քաղաքացիական նախաձեռնությունը հայտնում է, որ որոշ կասկածելի անձինք սկսել են հետապնդել նախաձեռնության անդամներին և խաղաղ հավաքի մասնակիցներին։
Նախագահ Սերժ Սարգսյանն այսօր հրամանագիր է ստորագրել թիվ N զորամասի պայմանագրային զինծառայող, շարքային Արման Մայիսի Եփրեմյանին՝ Հայրենիքի սահմանները պաշտպանելիս, կյանքին սպառնացող վտանգի պայմաններում ծառայողական պարտքը կատարելիս ցուցաբերած խիզախության և անձնազոհության համար հետմահու Արիության մեդալով պարգևատրելու մասին:
Բաղրամյան պողոտայում շարունակվում է ցուցարարների ակտիվ պայքարը՝ էլեկտրաէներգիայի սակագնի բարձրացման դեմ: Ցուցարարներին շոգը չի խանգարում. շարունակվում են հայրենասիրական երգն ու պարը, տարբեր տեսակի խաղերը: Իսկ թեմային վերաբերող հետաքրքիր մակագրությամբ պաստառների թիվը ավելանում է:
«Հայաստանը գաղութ չէ, գաղութ լինելու համար պետք է ժողովրդի մեջ լինի ստրկանալու խոր պոտենցիալ, որը մեզ մոտ չկա: ՀՀ-ն չի կարող համարվել գաղութ հենց իր հասարակության շնորհիվ: Եվ եթե իշխանությունը չհասկանա, որ այս շարժումը կոմպրոմիսներով չէ, որ լուծվում է…»,- ասաց Լ. Ալավերդյանն ու հորդորեց իշխանություններին կասեցնել սակագնի բարձրացումն ու ընդառաջ գնալ քաղաքացիներին:
«Սրանից հետո Երևանի քաղաքապետարանը, քաղաքապետը ստանձնեց պարտավորություն, որ այդ անվտանգության խնդրի երաշխավորը դարձավ Երևանի քաղաքապետը ու իր պատասխանատվությամբ «Սանիտեկ» ընկերությունը կմտնի՝ մաքրություն կանի, այսինքն՝ եթե մեխանիզմը, ենթադրենք, վնասվի կամ ինչ-որ մի բան լինի, այդ պատասխանատվությունը քաղաքապետը իր վրա է վերցնում՝ հորդորելով «Սանիտեկին», որ իրականացնի աղբահանությունը»:
Ներկայացմանը հրավիրում ենք երկու կողմում էլ կանգնած մեր համաքաղաքացիներին։ Նրանց, ովքեր խաղաղ և արդարացի պահանջով դուրս են եկել փողոց նստացույցի, և նրանց, ովքեր իրենց ծառայությամբ պահպանում են հասարակական կարգը: Հաշվի առնելով վերջին երկու օրերի երկկողմանի խաղաղ մթնոլորտը, առաջարկը կարծում ենք իրատեսական է, իսկ ներկայացման էմոցիաները վստահ ենք նոր, դրական լիցք կհաղորդեն երկու կողմերում էլ արդեն օրեր շարունակ կանգնած մեր քաղաքացիներին:
ՊԲ օպերատիվ տվյալների համաձայն, հունիսի 21-ից 27-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 130 անգամ, որի ընթացքում տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է ավելի քան 1000 կրակոց:
«Ոստիկանության մեջ սադրիչներ չկան»,- այս մասին այսօր Բաղրամյան պողոտայում լրագրողների հետ զրույցում ասաց ՀՀ ոստիկանապետ Վլադիմիր Գասպարյանը: «Եթե քաղաքացիական համազգեստով ոստիկանը ինչ-որ սխալներ, դրսևորումներ է արել, տեսնո՞ւմ եք՝ ինչքան կամերա կա, հազար տեղ ֆիքսած ա, ես կգտնեմ, հոգ չէ, դա ինձանից է դուրս գալիս, ձեզանից դուրս չի գալիս»:
The Telegraph բրիտանական հեղինակավոր պարբերականը անդրադարձել է երևանյան ցույցերի նախապատմությանը՝ նշելով, թե Հայաստանը Ռուսաստանի մտերիմ դաշնակիցն է, այստեղ է տեղակայված ռուսական ռազմաբազան, երկիրը հունվարից անդամակցում է ԵՏՄ-ն:
Հարցին՝ արդյոք իր կարծիքով այդ երիտասարդներին գերտերություննե՞րն են պղտորում, Վլադիմիր Գասպարյանը պատասխանեց. «Ո՛չ: Ես այդպիսի հայտարարություն չեմ արել: Ես արել եմ բացառապես հետևյալը: Եվ այս պարագաներում կան գերտերությունների խնդիրներ, ինչ-որ մասնիկներ: Այո, գերտերությունները հզոր են, կարող են, մեծ ռեսուրսներ ունեն, մեծ հնարավորություններ ունեն, նրանք կարող են իրենց թույլ տալ խաղալ ,մենք դրա իրավունքը չունենք»:
«Հիմնական պատճառը Մաշտոցի պողոտան փակելն էր, հիմնական պատճառը զենքով ցուցարարների մեջ լինելն էր, հիմնական պատճառը խմած մարդկանց ներկայությունն էր, հիմնական պատճառը դատարակ, տեղ-տեղ ագրեսիայի դրսևորումն էր, որը չէր կարելի հանդուրժել: Եթե մենք միջոցառում ենք անում, եթե ակցիա է արվում, եթե մարդիկ իրենց պահանջն են ներկայացնում, ավելին, սոցիալական պահանջն են ներկայացնում, ընկալման փիլիսոփայությունը կա մեր մեջ»:
Երևանի Բաղրամյան պողոտայում շարունակվում է էլեկտրաէներգիայի թանկացման դեմ բողոքի ակցիան: Պողատայում են նաև ՀՀ ոստիկանության պետ Վլադիմիր Գասպարյանը և նրա առաջին տեղակալ Հունան Պողոսյանը:
Քիչ առաջ Բաղրամյան պողոտայից Արաբկիրի ոստիկանության բաժին տեղափոխեցին ցուցարարներից մեկի վրանը: ՀՀ փոխոստիկանապետ Վալերի Օսիպյանը ցուցարար աղջկան տեղեկացրեց, որ Բաղրամյան պողոտայում վրան տեղադրել չի կարելի, ուստի ստիպված են այն տեղափոխել Արաբկիրի ոստիկանության բաժին, որտեղից էլ ցուցարարը կարող է գնալ և վերցնել. «Շատ գեղեցիկ է»,- ասաց Օսիպյանն ու ցուցարարին հորդորեց գնալ Արաբկիրի ոստիկանության բաժին և վերցնել այն:
Հունիսի 27-ին, ժամը 01.47-ին տեղեկություն է ստացվել, որ Երևանի Արշակունյաց պողոտայում՝ «Ջերմուկ Գրուպ» ՓԲԸ խանութի մոտակայքում քաղաքացին բարձրացել է գովազդային վահանակի վրա և չի ցանկանում ցած իջնել. անհրաժեշտ է փրկարարների օգնությունը:
«Դաժան ռեալցիան զայրացրեց մարդկանց ու միայն ավելի ուժեղացրեց նրանց մտադրությունը՝ շարունակել նստացույցը: Ցերեկվա ժամերին, անտեսելով ամառվա շոգը, մի քանի հարյուր մարդ նստացույց է անում: Նրանք ոգևորված են՝ երգում են ժողովրդական երգեր, շուրջպար են պարում»:
Ինչպես երեկ տեղեկացրել էր ՀՀ պաշտպանության նախարարությունը, ս.թ. հունիսի 26-ին, ժամը 18:30-ի սահմաններում ադրբեջանական կողմը խախտել է հրադադարի ռեժիմը հայ-ադրբեջանական սահմանի նախիջևանյան ուղղությամբ` հրաձգային տարբեր տրամաչափի զենքերից կրակ վարելով ՀՀ Սյունիքի մարզի Գորհայք բնակավայրի մոտ տեղակայված հայկական դիրքերի ուղղությամբ:
