Մոսկվայում դպրոցականը ծեծել է ուսուցչուհուն
Արտակարգ դեպք է պատահել Մոսկվայի հարավարևելյան դպրոցներից մեկում: 4-րդ դասարանի աշակերտը ծեծել է իր դասղեկին:
LifeNews-ի տվյալով՝ դասղեկը երեխաներին հավաքել է ուսումնական պրոցեսը քննարկելու նպատակով: Զրույցի ժամանակ Սաշա Ն-ն իրեն անկարգ է պահել՝ շեղելով դասընկերների ու ուսուցչի ուշադրությունը: Դպրոցականը չի արձագանքել նկատողություններին ու ծաղրել է ուսուցչին:
Իրավապահ մարմիններից LifeNews-ին հայտնել են, որ երբ աշակերտին դուրս են հանել դասարանից, նա սկսել է վիրավորել 28-ամյա Օլգա Վասիչկինային: Նա միջանցքում հանել է բազմոցի արմնկակալն ու հարձակվել ուսուցչի վրա՝ մի քանի անգամ նրան հարվածելով:
Դպրոցում հաստատել են, որ նման դեպք իրականում տեղի է ունեցել ու հարձակման փաստով սկսվել է ստուգում, որի արդյունքում աշակերտին որոշվել է այլ դպրոց տեղափոխել:
