Արայիկ Հարությունյանը ընդունել է «Աֆղանստանի պատերազմի վետերանների միության» մի խումբ ներկայացուցիչների
Արցախի Հանրապետության վարչապետ Արայիկ Հարությունյանը փետրվարի 2-ին ընդունել է «Աֆղանստանի պատերազմի վետերանների միության» մի խումբ ներկայացուցիչների՝ կազմակերպության նախագահ Եսայի Բալայանի գլխավորությամբ:
Վարչապետը ողջունել է կազմակերպության անդամներին՝ կարևորելով Աֆղանստանի պատերազմում ձեռքբերած նրանց փորձի կիրառումն Արցախյան գոյամարտում: Կողմերը քննարկել են մի շարք հարցեր՝ վետերանների սոցիալական ու առողջապահական խնդիրների և մատաղ սերնդի դաստիարակության գործում նրանց մասնակցության վերաբերյալ:
Արայիկ Հարությունյանը նշել է, որ կառավարությունն ուշադրության ներքո է պահելու քննարկված հարցերը՝ շարունակաբար համագործակցելով հասարակական կազմակերպության հետ:
