Կարեն Կարապետյանի հայտարարությունը բոլորին խառնել է իրար. «Հրապարակ»
«Հրապարակ» թերթը գրում է. «Դպրոցներում ընտանեկան «մաֆիան» վերացնելու մասին վարչապետի հայտարարությունը բոլորին խառնել է իրար: Այժմ մարզպետարաններում, իրավապահ մարմիններում ընկած ման են գալիս ազգուտակով աշխատողների։ Եվ առավել վտանգի տակ են «թիկունք» չունեցողները, քանի որ նման ընտանիքներ ուսումնական հաստատություններում շատ կան։
Մեր տեղեկություններով՝ օրերս Արմավիրի մարզպետ Աշոտ Ղահրամանյանը հավաքել է դպրոցների տնօրեններին և ասել, որ խուսափեն ազգականներին իրենց մոտ գործի տեղավորելուց, իսկ եթե կան այդպիսիք, անհապաղ ազատվեն։ Տնօրենները լսել են ու տարակուսել, թե մարզպետը կարող է եղբորը նշանակել իրեն խորհրդական, կնոջը՝ հիմնադրամի ղեկավար, իրենք չե՞ն կարող իրենց բարեկամին նշանակել գրադարանավար կամ մանկավարժ»։
Ամբողջությամբ կարող եք կարդալ «Հրապարակ» թերթի այսօրվա համարում:
