Աշխարհ

Օրերս Ադրբեջանի նախագահի խորհրդական Հիքմեթ Հաջիևը կարևոր հայտարարություն է արել՝ նշելով, որ Թուրքիան ու Ադրբեջանը Հայաստանի հետ հարաբերությունները կարգավորելու են սինխրոն կերպով։

: Ֆրանսիայի նախագահ Էմանուել Մակրոնը մասնակցել է գեներալ Շառլ դը Գոլի պատմական ուղերձի 82-րդ տարեդարձին նվիրված հիշատակի արարողությանը, որտեղ նա ֆրանսիացիներին կոչ էր արել դիմակայել գերմանական օկուպանտներին։

Ուկրաինայի նախագահ Վլադիմիր Զելենսկին աշխատանքային այցով եղել է Նիկոլաև քաղաքում:

ԵՄ դիվանագիտության ղեկավար Ժոզեպ Բորելի խոսքով՝ ուկրաինական իրադարձությունները «սովի համաշխարհային ալիքի սպառնալիք են ստեղծում», և ԵՄ-ն պատրաստ է աշխատել ՄԱԿ-ի հետ՝ պարենային աղետը կանխելու համար։

Սանկտ Պետերբուրգում ընթացող միջազգային տնտեսական ֆորումի շրջանակում աշխատանքային այցով Սանկտ Պետերբուրգում գտնվող ՀՀ նախագահ Վահագն Խաչատուրյանը հանդիպել է և զրուցել ՌԴ նախագահ Վլադիմիր Պուտինի հետ։ Ինչպես սովորաբար վերջերս տեղի է ունենում, ռուսական և հայկական կողմերի տարածած հաղորդագրություններում պաշտոնական խոսքերի միջև էական տարբերություններ են տեղ գտել։

Ղազախստանի նախագահ Կասիմ-Ժոմարտ Տոկաևը որոշել է չընդունել ղազախական և արտասահմանյան պարգևներ մինչև պետության ղեկավարի պաշտոնում պաշտոնավարման ժամկետի ավարտը։

Մենք մտադիր չենք Եվրոպայի Խորհուրդը դարձնել գլադիատորական մենամարտերի տարածք ո՛չ Հայաստանի իշխանությունների, ո՛չ էլ՝ Ադրբեջանի դեմ։ Բայց մտադիր էլ չենք համակերպվելու այն փաստերի հետ, որ մեր կազմակերպությունը վերածվում է 44-օրյա պատերազմի հետևանքների օրինականացման հարթակի, հարթակ, որը հստակորեն առաջ է մղում Թուրքիայի և Ադրբեջանի գլխավորած թյուրքական կոալիցիայի շահերը՝ ի հաշիվ հայ ժողովրդի, կամ էլ մեր երկրում հակաժողովրդավարական գործընթացները լուռ դիտարկող կազմակերպության։

Հունիսի 17-ին Շանհայում տեղի է ունեցել ՉԺՀ-ի ռազմածովային ուժերի ամենաժամանակակից, երրորդ ավիակրի ջրարկման արարողությունը:

Ըստ ՅՈՒՆԻՍԵՖ-ի գնահատականի, հակամարտությունների, բռնության և այլ տիպի ճգնաժամերի պատճառով 36.5 միլիոն երեխաներ տեղահանվել են իրենց տներից 2021 թվականի վերջի դրությամբ. սա Երկրորդ աշխարհամարտից հետո գրանցված ամենամեծ ցուցանիշն է: Այս թիվը ներառում է հակամարտությունների և բռնության պատճառով տեղահանված 13.7 միլիոն փախստական և ապաստարան փնտրող և գրեթե 22.8 միլիոն ներքին տեղահանված երեխա:

Մեծ Բրիտանիայի ներքին գործերի նախարար Պրիտի Պատելը հավանություն է տվել գաղտնի նյութերի տարածմամբ զբաղվող Wikileaks կայքի հիմնադիր Ջուլիան Ասանժին ԱՄՆ արտահանձնմանը, հայտնում է Reuters-ը։

Անօրինական միգրանտների թիվը, որոնք հատել են ԱՄՆ-ի հարավային սահմանը, մայիսին հասել է ռեկորդային ցուցանիշների, այդ թվում ավելացել է Լատինական եւ Կենտրոնական Ամերիկայի մի շարք երկրներց, Հնդկաստանից, Թուքիայից եւ Ռուսաստանից եկվորների թիվը: Հունիսի 17-ին այդ մասին հաղորդել է NBC հեռուստաալիքը՝ վկայակոչելով Մաքսային եւ սահմանապահ վերահսկողության ծառայության տվյալները։

Իսպանիայի կառավարությունը կարող է ժամանակավոր վերահսկողություն մտցնել ցամաքային սահմաններին եւ անթռիչք գոտի ստեղծել Մադրիդի մի մասի օդային տարածությունում ՆԱՏՕ-ի գագաթնաժողովի նախօրեին եւ դրա ընթացքում, որը տեղի կունենա հունիսի 28–30-ը: Հիսի 17-ին այդ մասին հաղորդել է El Pais թերթը:

Կորոնավիրուսով հիվանդացության մակարդակն անցած շաբաթվա ընթացքում շարունակել է նվազել այն դեպքում, երբ մահացությունն ավելացել է 4 տոկոսով: Այդ մասին ասվում է Առողջապահության համաշխարհային կազմակերպության (ԱՀԿ) ամենշաբաթյա համաճարակաբանական տեղեկագրում:

«Գազպրոմ»-ն իտալական Eni-ին հայտարարել է, որ հունիսի 17-ին կմատակարարի արգելված գազի միայն կեսը, իսկ փաստական ծավալները չեն փոխվել նախօրյակի մատակարարումների համեմատությամբ:

Ուկրաինայում ռազմական գործողությունների սկսվելուց հաշված օրեր անց՝ 2022 թ. փետրվարի 28-ին, երկրի նախագահ Վոլոդիմիր Զելենսկին ստորագրել էր Ուկրաինայի հայտը Եվրոպական միությանը անդամակցելու վերաբերյալ:

«Ոչ ոք երաշխիք չի կարող տալ, որ խաղաղության օրակարգը հաջողություն կունենա. սա վտանգներով, կորուստներով ուղեկցվող ճանապարհ է մեզ համար»,- Ազգային ժողովում հայտարարեց Նիկոլ Փաշինյանը: Բայց միևնույն ժամանանակ պնդեց, որ ունեն կամք, վճռականություն՝ այս ճանապարհն անցնելու, հակառակ դեպքում մեզ սպառնում է ոչ միայն Լեռնային Ղարաբաղի, այլև Հայաստանի կործանումը:

Թուրքիայի արտաքին գործերի նախարարության խոսնակ, դեսպան Թանժու Բիլգիչն անընդունելի է համարել Գերմանիայի արտգործնախարարության խոսնակ Քրիստիան Վագների հնչեցրած մեղադրանքները Թուրքիայի հասցեին՝ դրանք անվանելով «անհիմն»։

Եվրամիությունը ռազմական կազմակերպություն չէ, ուստի Ռուսաստանը դեմ չէ, որ Ուկրաինան անդամակցի Եվրամիությանը, Պետերբուրգի միջազգային տնտեսական ֆորումի ընթացքում ասել է Ռուսաստանի Դաշնության նախագահ Վլադիմիր Պուտինը:

Ռուսաստանը ոչ ոքի չի սպառնում միջուկային զենքով: «Արմենպրես»-ի հաղորդմամբ՝ այդ մասին Սանկտ Պետերբուրգի միջազգային տնտեսական ֆորումի ընթացքում հայտարարել է Ռուսաստանի Դաշնության նախագահ Վլադիմիր Պուտինը:

Հունիսի 2-ից ի վեր առաջին անգամ Brent տեսակի նավթի գինը իջել է 115 ԱՄՆ դոլար – 1 բարելի դիմաց նշագծից:

Մեծ Բրիտանիայի վարչապետ Բորիս Ջոնսոնը այցով Կիևում է, որտեղ հանդիպում է անցկացնում Ուկրաինայի նախագահ Վլադիմիր Զելենսկու հետ,  հայտնում է ռուսական ՏԱՍՍ լրատվական գործակալությունը: Նախօրեին Կիև էին այցելել նաև Գերմանիայի, Ֆրանսիայի, Իտալիայի և Ռումինիայի ղեկավարները՝ առաջարկելով Ուկրաինային տալ Եվրամիության անդամի թեկնածուի կարգավիճակ:

Ադրբեջանի նախագահ Իլհամ Ալիևն օրերս «Գլոբալ աշխարհակարգին սպառնացող վտանգները» թեմայով Բաքվի IX գլոբալ ֆորումի բացման ժամանակ ունեցած ելույթում հայտարարել էր, թե վրացական կողմը պաշտպանում է Ադրբեջանի, Հայաստանի և Վրաստանի ԱԳ նախարարների՝ Թբիլիսիում հանդիպում անցկացնելու գաղափարը։

Ռուսաստանը եւ Վիետնամը քննարկել են նավթագազային ոլորտում փոխադարձ համագործակցության հեռանկարները։

Արտաքին գործերի նախարար Արարատ Միրզոյանը և Եվրոպայի խորհրդի Գլխավոր քարտուղար Մարիա Պեյչինովիչ Բուրիչին անդրադարձել են Լեռնային Ղարաբաղի հակամարտության կարգավորման գործընթացին, 2020 թվականին Արցախի դեմ ագրեսիայի հետևանքներին և Հայաստանի ու Ադրբեջանի միջև հարաբերությունների կարգավորմանը վերաբերվող հարցերին։

Նորվեգիան ԵՄ-ի երկրներից անմիջապես հետո պատժամիջոցների հերթական փաթեթը կսահմանի Ռուսաստանի իշխանությունների դեմ, որը ներառում է ծովով փոխադրվող նավթի ներմուծման արգելք եւ այլ միջոցներ: Այդ մասին ասվում է թագավորության կառավարության հայտարարության մեջ:

Եվրահանձնաժողովը հանձնարարել է Եվրամիության անդամակցության թեկնածուի կարգավիճակ տրամադրել Մոլդովային եւ առայժմ չտալ Վրաստանին՝ Թբիլիսիին կոչ անելով դեռեւս աշխատելու քաղաքական բարենորուգումների եւ հասարկության համախմբման գործում: Այդ մասին հայտարարել է Եվրահանձնաժողովի ղեկավար Ուրսուլա ֆոն դեր Լյայենը:

ՄԱԿ-ի Անվտանգության խորհուրդը պետք է վճռական եւ միասնական պատասխան տա Փենյանի գործողություններին հրթիռամիջուկային մշակումների բնագավառում: Այդ մասին Հարավային Կորեայի նախագահ Յուն Սոկ Յոլը հայտարարել է ՄԱԿ-ի գլխավոր քարտուղար Անտոնիու Գուտերիշի հետ զրույցի ընթացքում, հաղորդել է «Ռյոնհապ» գործակալությունը:

Ռուսական գազը շարունակում է հասնել Եվրամիության երկրներ և ԱՄՆ՝ չնայած Արևմուտքի կողմից բարձրաձայնված Ռուսաստանից էներգակախվածությունից հրաժարվելու՝ իրենց ձգտմանը:

Մինչ Հունաստանի և Թուրքիայի միջև շարունակվում են երկուստեք հնչող մեղադրանքներն ու Թուրքիայի կողմից սպառնալից հայտարարությունները, ԱՄՆ պետքարտուղարության խոսնակ Նեդ Փրայսը հանդես է եկել կոչով: Այս մասին տեղեկացնում է ermenihaber.am-ը։

Ֆրանսիայի նախագահ Էմանուել Մակրոնը ԲՖՄ-ՏՎ հեռուստաալիքին տված հարցազրույցում պատասխանել է այն հարցին, որը վերաբերում է ԵՄ-ին անդամակցության համար թեկնածու երկրի կարգավիճակ ստանալու Ուկրաինայի հնարավորությանը։