Էրդողանը Պուտինին հրավիրել է Թուրքիա, սակայն այցի ամսաթվերը դեռ չեն որոշվել․ ՌԻԱ Նովոստի
Անկարան սպասում է Ռուսաստանի նախագահ Վլադիմիր Պուտինի այցին Թուրքիա, սակայն կոնկրետ ամսաթվերը դեռ չեն համաձայնեցվել, հայտնում է ՌԻԱ Նովոստին՝ հղում անելով Թուրքիայի կառավարության աղբյուրին։
«Պարոն Վլադիմիր Պուտինին հրավեր էր ուղարկվել պարոն նախագահի կողմից (Թայիփ Էրդողան — խմբ.)։ Սակայն կոնկրետ ամսաթվերի մասին խոսք դեռ չկա», — ասել է գործակալության զրուցակիցը։
Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը երեքշաբթի բանակցություններ են անցկացրել Բիշքեկում։ Էրդողանը հանդիպումը բնութագրել է որպես «արդյունավետ և անկեղծ» և հայտարարել, որ կողմերը քննարկել են երկկողմ օրակարգի բոլոր հարցերը։
