Հաջողության դեպքում այդ նախագիծը Հայաստանը և Վրաստանը կդարձնի կարևոր տարանցումային տարածքներ և կնպաստի նրանց տնտեսությունների աճին: Հայաստանի համար այն նշանակում է նաև թուրք-ադրբեջանական շրջափակման ավարտ: Քանի որ նախագիծը շրջանցում է Ռուսաստանը, ապա թուլացնում է վերջինիս ազդեցությունը Սև ծովում ու տարածաշրջանում, ինչը Հայաստանի համար լավ հնարավորություններ է ստեղծում եվրոպական ինտեգրման ուղղությամբ:
Նախագահ Հասան Ռոհանին դրական է գնահատել հայ-իրանական փոխգործակցության խթանմանն ուղղված քայլերը և նշել, որ իրանական կողմը խրախուսում է երկկողմ հարաբերություններիր զարգացմանն ուղղված ցանկացած կառուցողական առաջարկություն:
Իրանի խորհրդարանի հայազգի պատգամավոր Կարեն Խանլարյանը կարծում է, որ Իրանի նախագահ Հասան Ռոհանիի այցը Հայաստան կարևոր քայլ է Իրան-Հայաստան փոխհարաբերությունների զարգացման համար: Նրա կանխատեսմամբ՝ այցի արդյունքում կլինեն լուրջ ձեռքբերումներ:
«Չափազանց ուրախ եմ, որ ինձ ասացին, որ այսօրվանից Մեղրիի և Ագարակի բնակիչները կարող են իրանական գազ օգտագործել, և այսօրվանից գազն արդեն բոցավառվեց այդ երկու քաղաքներում: Սա նշանակում է, որ ականատեսն ենք ներդրված ջանքերի արդյունքին, գազը կարող է նպաստել ՀՀ-ի զարգացմանը, և, ինչպես ժողովրդի սրտերն են ջերմ, մարդկանց տներն էլ կջերմանան»,- ասաց Ռոուհանին:
Մենք այսօր համակողմանի և բովանդակային քննարկումներ ունեցանք երկկողմ օրակարգի ամենատարբեր հարցերի շուրջ. վերահաստատեցինք մշակված ծրագրերի համատեղ իրականացմանն ուղղված մեր հանձնառությունը, կարևորեցինք քաղաքական խորհրդատվությունների պարբերական անցկացումը, քննարկեցինք առևտրատնտեսական, էներգետիկայի, տրանսպորտի, գյուղատնտեսության, կրթության, առողջապահության, մշակույթի, գործարար շրջանակների միջև կապերի խթանման հետ կապված հարցեր:
«Մենք պետք է երկաթուղու միջոցով ունենանք Պարսից ծոցը Սև ծովին կապող ճանապարհ: Դրանով մենք նպաստավոր պայմաններ կստեղծենք մեր և մյուս տարածաշրջանների ժողովուրդների համար»,- ընդգծեց նա:
«Սակավաթիվ են այն ժողովուրդները, որոնց պատմության քառուղիներում վիճակված է եղել հազարամյակներով քայլել կողք կողքի և այ սօր էլ շարունակել սերտ փոխգործակցությունը՝ առանձնահատուկ հարգանք տածելով միմյանց մշակույթի հանդեպ: Հայաստանը, համոզված եմ նաև Իրանը, շահագրգռված են անել առավելագույնը ավանդական, հարուստ կապերի վրա խարսխված բարեկամական հարաբերություններն ավելի ամրապնդելու և զարգացնելու ուղղությամբ»,- ասաց Սերժ Սարգսյանը:
Սիրիացի զինծառայողներն ու սպաները, որոնք պատանդ էին վերցվել Հալեպում զինված խմբավորումների կողմից, ազատ են արձակվելու քաղաքից զինված խմբավորումների տարհանման վերաբերյալ պայմանավորվածությունների շրջանակում։ Այդ մասին հայտնում է «Ալ-Վաթան» թերթը։
ԴԱԻՇ-ի զինյալները հարձակվել են Սիրիայի Էլ-Բաբ քաղաքի մերձակայքում գտնվող թուրքական դաշտային հոսպիտալի վրա, ինչի հետևանքով սպանվել է Թուրքիայի զինված ուժերի 3 զինծառայող, հայտնում է Hürriyet-ը։
Նախարարությունը հանձնարարել է բոլոր սպորտային ֆեդերացիաներին ակումբներին և մարզիկներին չուղարկել Թուրքիա, քանի դեռ համապատասխան հանձնարարական չի լինի:
«Հաջողվում է Իրան-Հայաստան գործարար հանդիպումների ընթացքում փոքր բիզնեսից, միջինից բացի, խոշոր իրանցի ներդրողներին Հայաստան մղել»,- այս մասին այսօր Իրան-Հայաստան գործարար համաժողովի շրջանակում լրագրողների հետ ճեպազրույցի ընթացքում ասաց ՀՀ արդյունաբերողների և գործարարների միության նախագահ Արսեն Ղազարյանը՝ ներկայացնելով հայ-իրանական առևտրատնտեսական հարաբերությունների ներկայիս մակարդակը:
Դեկտեմբերի 20-ից Ադրբեջանում զինված ուժերի ամբողջ հրամանատարական անձնակազմի մասնակցությամբ Եռօրյա հավաք է անցկացվում: Հավքները գլխավորում է Ադրբեջանի պաշտպանության նախարար, գեներալ-գնդապետ Զաքիր Հասանովը: Այս մասին հայտնում է Ադրբեջանի ՊՆ մամուլի ծառայությունը:
Մենք Իրանի հետ ունենք առևտրային հարաբերություններ և գրեթե չունենք ներդրումային հարաբերություններ։ Այս կարծիքին է տնտեսագետ Վիլեն Խաչատրյանը, որն այսօր լրագրողների հետ հանդիպման ժամանակ նշեց, որ վերջին 28 տարվա մեջ Իրանը Հայաստանում 3 միլիարդ դրամից ավելի ներդրում չի արել։
Սիրիայի ազատ բանակի ջոկատները Թուրքիայի զինված ուժերի աջակցությամբ լիակատար վերահսկողություն են սահմանել Էլ Բաբ-Հալեպ մայրուղու նկատմամբ, հայտնում է «Անադոլու» գործակալությունը՝ հղում կատարելով Թուրքիայի ԶՈՒ գլխավոր շտաբին։
Սիրիայի հարցով ՄԱԿ-ի հատուկ դեսպանորդ Ստաֆան դե Միստուրան ողջունում է Ռուսաստանի, Թուրքիայի և Իրանի համատեղ հայտարարությունը Մոսկվայի հանդիպման արդյունքներով։
Վրաստանի վարչապետ Գեորգի Կվիրիկաշվիլին երեկ իր թուրք գործընկեր Բինալի Յըլդըրըմի հետ համատեղ մամուլի ասուլիսի ժամանակ հայտարարել է, որ Վրաստանի համար կարևոր նշանակություն ունի Թուրքիայի հետ ռազմավարական բնույթ կրող հարաբերությունների զարգացումը, հայտնում է «Գրուզիա օնլայնը»-ը։
Վրաստանի վարչապետ Գեորգի Կվիրիկաշվիլին հանդիպել է Թուրքիայի նախագահ Ռեջեփ Էրդողանի հետ, հայտնում է «Գրուզիա Օնլայն»-ը՝ վկայակոչելով Վրաստանի կառավարության վարչակազմին։
ՀՀ պաշտպանության նախարար Վիգեն Սարգսյանը ռուսական Lenta.ru կայքին տված ծավալուն հարցազրույցում անդրադարձել է մի շարք կարևոր հարցերի, ներառյալ՝ Մոսկվայի և ՆԱՏՕ-ի հետ համագործակցությանն ու Լեռնային Ղարաբաղի հակամարտության կարգավորման ուղիներին։
Թուրքիայի արտաքին գործերի նախարար Մևլութ Չավուշօղլուն հեռախոսազրույց է ունեցել Միացյալ Նահանգների պետքարտուղար Ջոն Քերիի հետ: Թուրքական «Անադոլու» գործակալության փոխանցմամբ՝ հեռախոսազրույցում Չավուշօղլուն համոզմունք է հայտնել, որ Անկարայում ՌԴ դեսպան Անդրեյ Կառլովի սպանության հետևում կանգնած են գյուլենականները:
«Հալեպի ռազմական զարգացումներն արդյունք են ռուս-թուրքական համաձայնության, չեմ կարծում, որ ռուս դեսպանի սպանությունը Թուրքիայում որևէ կերպ այս համաձայնությանը խոչընդոտի, ավելին, սպանությունը պարզապես ահաբեկչական գործողություն էր, որը լուրջ քաղաքական կոնտեքստից դուրս է»։
«Թուրքիայում ՌԴ դեսպան Անդրեյ Կառլովի սպանությունը ռուս-թուրքական հարաբերությունների վրա բացասական ազդեցություն չի ունենա, դա չի հանգեցնի ռուս-թուրքական նոր ճգնաժամի, ինչպես, օրինակ՝ ռուսական ինքնաթիռի խոցման պարագայում եղավ»,- 168.am-ի հետ զրույցում նման տեսակետ հայտնեց թուրքագետ Լևոն Հովսեփյանը:
«Այդուհանդերձ, կարծում եմ, որ Ադրբեջանը չպետք է ընդուներ այդ այցը։ Մենք հետևում ենք Իսրայելի ապակառուցողական գործողություններին և սադրիչ վարքագծին։ Նրանք մտադիր են խնդիրներ ստեղծել իսլամական երկրների միջև»,- հայտարարել էր Քասեմին։ Էլման Նասիրովի խոսքով՝ «ադրբեջանա-իսրայելական կապերը կրում են երկկողմ բնույթ և չեն վնասում այլ երկրների հետ հարաբերություններին»։
«2016 թվականի դեկտեմբերի 20-ին ԵՄ-ի երկրների մշտական ներկայացուցիչները Խորհրդի անունից հաստատեցին Վրաստանի համար այցագրային ազատականացման վերաբերյալ Եվրախորհրդարանի հետ համաձայնագիրը»,- նշվում է փաստաթղթում:
Մոսկվան կարծում է, որ Ռուսաստան-Իրան-Թուրքիա ձևաչափն ամենաարդյունավետն է Սիրիայի հակամարտության կարգավորման համար, սակայն, միաժամանակ նշում է, որ իր աշխատանքը նպատակ չունի ստվերել մյուս ձևաչափերը, հայտարարել է ՌԴ ԱԳՆ Սերգեյ Լավրովը։ Այս մասին հայտնում է RIA Novosti-ն։
«Բաքու-Թբիլիսի-Կարս» երկաթուղային ճանապարհը շահագործման կհանձնվի 2017թ. սկզբին։ Ինչպես հայտնում է TRT Haber-ը, այդ մասին հայտարարել է Թուրքիայի վարչապետ Բինալի Յըլդըրըմը իր վրացի գործընկերոջ՝ Գեորգի Կվիրիկաշվիլիի հետ հանդիպման ընթացքում։
Թուրքիայում Ռուսաստանի դեսպան Անդրեյ Կառլովին սպանած թուրք ոստիկան Մևլութ Մերթ Ալթընթաշը ռուս դիվանագետի վրա կրակել է 11 անգամ: Ըստ թուրքական «Միլլիեթ» պարբերականի, այս եզրակացության են եկել ցուցասրահի տեսագրություններն ուսումնասիրած դատախազությունը և իրավապահ մարմինները:
Թուրքիայի ԱԳՆ նախարար Մևլյութ Չավուշօղլուն վստահություն է հայտնել, որ Ռուսաստանի հետ միասին կհաջողվի բացահայտել Թուրքիայում ՌԴ դեսպան Անդրեյ Կառլովի սպանությունը։
Թուրքիայի մայրաքաղաք Անկարայում ՌԴ դեսպան Անդրեյ Կառլովի սպանությունից հետո դեկտեմբերի 20-ին 04:00-ին կրակոցներ են հնչել Միացյալ Նահանգների դեսպանության դիմաց: Այս մասին տեղեկացնում է թուրքական «Հուրիեթ» պարբերականը:
Թուրքիայում Ռուսաստանի դեսպան Անդրեյ Կառլովի սպանությունից հետո դեկտեմբերի20-ին փակ են լինելու Իրանի և Միացյալ Նահագների որոշ դիվանագիտական ներկայացուցչություններ: Այս մասին տեղեկացնում է թուրքական «Հուրիեթ» պարբերականը:
Պաշտոնական Անկարան դեկտեմբերի 19-ին Ռուսաստանի դեսպան Անդրեյ Կառլովի սպանությունը համարում է թուրք-ռուսական հարաբերությունները վատացնելուն միտված սադրանք: Կատարվածի առնչությամբ հայտարարություններով են հանդես եկել Թուրքիայի նախագահ Ռեջեփ Թայիփ Էրդողանը, վարչապետ Բինալի Յըլդըրըմը, արտաքին գործերի նախարարությունը: