«ՀՀ նախագահն ինքը թող մեկնաբանի, թե ինչու չի դիմել Սահմանադրական դատարան, իհարկե, Սահմանադրությունը նրան թույլ տալիս էր դիմելու Սահմանադրական դատարանին՝ ԱԺ որոշումների սահմանադրականությունը վիճարկելու համար, բայց նախագահն այդ տարբերակը չի ընտրել, դա նրա իրավունքն է»,- այսօր խորհրդարանում լրագրողների հետ զրույցում ասաց պատգամավորը:
Դեռևս նախորդ տարվա սեպտեմբերին վարչապետ Նիկոլ Փաշինյանը ֆեյսբուքյան ուղիղ եթերի միջոցով դիմելով Ջերմուկ քաղաքի բնակիչներին՝ կոչ էր արել նրանց ապաշրջափակել Ամուլսար տանող բոլոր ճանապարհները, սակայն բնակիչները չարձագանքեցին վարչապետին։
«Ապրիլյան դեպքերի հետ կապված՝ զերծ կմնամ մեկնաբանություններից։ Մենք բոլորս պետք է աջակցենք, որպեսզի հանձնաժողովն իր աշխատանքները հասցնի տրամաբանական ավարտին, և վերջում կարվեն եզրակացություններ, և կլինեն հայտարարություններ»,- նշեց Զինված ուժերի գլխավոր շտաբի պետը։
«Այժմ Վազգեն Մանուկյանը չի ընկալվում՝ որպես լիդեր, բայց եթե քաղաքական ինչ-որ ձևաչափում կանգնում է այդ օրվա լիդերի կողքին՝ առնվազն իր փորձով նրան ուժեղացնում է։ Այս համատեքստում, կարծում եմ՝ Վազգեն Մանուկյանը լինելու է ընդդիմադիր քաղաքական դաշտում, այնտեղ լինելու է որոշում ընդունողներին մոտ»,- այս մասին լրագրողների հետ հանդիպմանն ասաց Վիգեն Հակոբյանը՝անդրադառնալով հարցին, թե Վազգեն Մանուկյանը քաղաքական դաշտում ի՞նչ հնարավորություններ կարող է ունենալ և ի՞նչ կարող է անել։
ԱԺ «Բարգավաճ Հայաստան» խմբակցության պատգամավոր Գևորգ Պետրոսյանի խոսքով՝ Սահմանադրական ճգնաժամ չկա, ինչպես պնդում են իշխանությունները, և այս ամենն ընդամենը շինծու օրակարգ է:
ԱԺ Պետաիրավական հարցերի հանձնաժողովի նախագահ, «Իմ քայլը» խմբակցության պատգամավոր Վլադիմիր Վարդանյանի խոսքով՝ սահմանադրական փոփոխությունների նախագիծն ընդունելուց հետո խորհրդարանը համապատասխան գրությամբ այն ներկայացնելու է ՀՀ նախագահին, որն էլ նախագիծը ստորագրելուց հետո համապատասխան ժամկետներում նշանակելու է հանրաքվե, որից հետո էլ համապատասխան սուբյեկտները կկազմակերպեն և կանցկացնեն հանրաքվե:
Հանդիպումից հետո լրագրողների հետ զրույցում Տիգրան Մուկուչյանն ասաց, որ Արարատ Միրզոյանի հետ քննարկել են օրենսդրության հետ կապված առանձին խնդիրներ, քանի որ ԿԸՀ-ի գործառույթները հանրաքվեով կամ ընտրական գործընթացով ծագում են այն ժամանակ, երբ տեղի են ունենում որոշակի գործողություններ: Այժմ, երբ հանրաքվեն դեռևս տեղի չի ունենում, ընտրական հանձնաժողովը, ըստ Մուկուչյանի՝ չունի որևէ գործառույթ:
Քիչ առաջ Աժ-ում մեկնարկեց ԱԺ ապրիլյան հանգամանքներն ուսումնասիրող քննիչ հանձնաժողովի հերթական փակ նիստը: Նիստին մասնակցում է նաև Զինված ուժերի գլխավոր շտաբի պետ Արտակ Դավթյանը։ Նիստից առաջ վերջինս լրագրողների հարցերին չպատասխանեց։
Քաղտեխնոլոգ Վիգեն Հակոբյանի խոսքով՝ սահմանադրական փոփոխությունները հանրաքվեի դնելու որոշման հետ կապված՝ երեկ ԱԺ-ում վարչապետ Նիկոլ Փաշինյանի և «Իմ քայլը» խմբակցության ելույթները վկայում են այն մասին, որ հիմնական մարտավարությունը լինելու է այն, թե այն ամենը, ինչ տեղի է ունենում` պայքար է սևերի ու սպիտակների միջև, «վերջին բաստիոնն է ռևանշիստների», և այլն։
«Ընդդիմադիր դաշտում առաջին հատվածը, բնականաբար, կազմված է լինելու նախկին իշխանության ներկայացուցիչներից՝ հանրապետականներ, Դաշնակցություն, մասամբ՝ ԲՀԿ: Երկրորդը՝ նոր ձևավորվող քաղաքական ուժերն են, որոնք ստեղծվել են 2018-2019 թվականների ընթացքում՝ «Ազգային օրակարգ», «Մեկ Հայաստան» կուսակցությունները, հայտ ներկայացրեց նաև ԱԱԾ նախկին ղեկավար Արթուր Վանեցյանը: Երրորդ հատվածն այն ուժերն են, որոնք հեղափոխության հետ են, բայց դժգոհ են հեղափոխությունից՝ «Սասնա Ծռեր» համահայկական կուսակցությունը, ՔՈ կուսակցությունը և այլն»,- այս մասին լրագրողների հետ հանդիպմանն ասաց քաղտեխնոլոգը:
ԱԺ «Լուսավոր Հայաստան» խմբակցության պատգամավոր Անի Սամսոնյանի խոսքով՝ Սահմանադրական փոփոխությունների վերաբերյալ իշխանական մեծամասնության ներկայացրած նախագիծն ունի հակասահմանադրական բնույթ:
ԱԺ «Իմ քայլը» խմբակցության պատգամավոր Վահագն Հովակիմյանի խոսքով՝ Սահմանադրության 202-րդ հոդվածի երրորդ կետը վերաբերում է այն դեպքերին, երբ խորհրդարանի տիրույթում գտնվող սահմանադրական դրույթները, որոնք խորհրդարանը 2/3 կարող է փոփոխել՝ այդ հոդվածները չեն ընդունվում:
ԱԺ «Բարգավաճ Հայաստան» խմբակցության պատգամավոր Արման Աբովյանի խոսքով՝ դեռ պետք է արտահերթ նիստի ընթացքում քննարկեն իշխանական մեծամասնության ներկայացրած նախագիծը՝ Սահմանադրական փոփոխությունների վերաբերյալ, որից հետո հստակ կասեն իրենց տեսակետը:
ԱԺ Պետաիրավական հանձնաժողովի նախագահ, «Իմ քայլը» խմբակցության պատգամավոր Վլադիմիր Վարդանյանի խոսքով՝ արտառոց ոչինչ չի եղել, որ ԱԺ արտահերթ նիստը հետաձգվել է, քանի որ, եթե ներկայացվող նախագծերի հեղինակները նախագծերում հայտնաբերում են որևէ խնդիր, որը կարող է հետագայում առաջացնել ավելի մեծ խնդիր, ապա պարտավորություն են ստանձնում այդ ամենը շտկելու:
Քիչ առաջ մեկնարկեց Ազգային ժողովի խորհրդի նիստը, որտեղ կրկին քննարկվելու է ԱԺ արտահերթ նիստ հրավիրելու հարցը:
Ազգային ժողովն այսօր արտահերթ նիստ էր հրավիրել, որը, սակայն, ինչպես արդեն տեղեկացրել ենք՝ չկայացավ, քանի որ նիստում ընդգրկված երկու նախագծերի հեղինակները նախագծերը հետ են կանչել տեխնիկական պատճառներով:
Այսօրվա ընթացքում երկու անգամ ԱԺ խորհրդի նիստը հետաձգվելուց հետո, այն կայացավ։ Չնայած «Բարգավաճ Հայաստան» և «Լուսավոր Հայաստան» խմբակցությունների դեմ են արտահայտվել Վահագն Հովակիմյանի ներկայացրած նախագծին, այդուհանդերձ որոշում է կայացվել, որ արտահերթ նիստը կայանալու է։
Ավարտվեց ԱԺ խորհրդի նիստը, որի ավարտից հետո «Իմ քայլը» խմբակցության ղեկավար Լիլիթ Մակունցը տեղեկացրեց, որ արտահերթ նիստը վաղը կայանալու է և քննարկվելու է Վահագն Հովակիմյանի և 37 պատգամավորների ներկայացրած նախագծերը։
Ազգային ժողովի խորհրդի նիստը այսօր արդեն երկու անգամ հետաձգվում է՝ այս անգամ 30 րոպեով։ Հիշեցնենք, որ խորհրդի նիստում նախատեսվում է քննարկել «Իմ քայլը» խմբակցության պատգամավոր Վահագն Հովակիմյանի ներկայացրած՝ «Ազգային ժողովի կանոնակարգ», «Հանրաքվեի մասին» և «Սահմանադրական դատարանի մասին» սահմանադրական օրենքներում փոփոխություններ և լրացումներ կատարելու մասին նախագիծը։
ԱԺ «Լուսավոր Հայաստան» խմբակցության քարտուղար Գևորգ Գորգիսյանի համար հետաքրքիր է, թե «Իմ քայլը» խմբակցության պատգամավոր Վահագն Հովակիմյանի հեղինակած նախագիծն ինչպես է իշխանական մեծամասնությունը ներկայացնելու արտահերթ նիստի ժամանակ, քանի որ նախագծի հետ կապված՝ առաջացել են բազմաթիվ հարցեր:
ԱԺ «Իմ քայլը» խմբակցությունն այսօր ԱԺ խորհրդի նիստ էր անցկացրել՝ քննարկելու համար պատգամավոր Վահագն Հովակիմյանի ներկայացրած «Ազգային ժողովի կանոնակարգ», «Հանրաքվեի մասին» և «Սահմանադրական դատարանի մասին» սահմանադրական օրենքներում փոփոխություններ և լրացումներ կատարելու մասին նախագիծը:
«Հեղափոխությունից հետո մենք մի քանի անգամ կոչերով հանդես եկանք, որ միայն Մանվել Գրիգորյանին ու Ռոբերտ Քոչարյանին կալանավորելով չի, կան բազմաթիվ օլիգարխներ, որոնք վարչապետի թեթև ձեռքով կարծես թե վերածվել են գործարարների:
ԱԺ «Իմ քայլը» խմբակցության պատգամավոր, Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը լրագրողների հետ զրույցում անդրադառնալով նախկին Գլխավոր դատախազ Գևորգ Կոստանյանի՝ իրեն տված բնորոշմանը, նշեց, որ Գևորգ Կոստանյանը թող շուտ վերադառնա հայրենիք և իր մտքերը ձևակերպի նախաքննական մարմնի առջև:
ԱԺ «Իմ քայլը» խմբակցության պատգամավոր Անդրանիկ Քոչարյանը վատ է վերաբերվում Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանի հայտարարությանը՝ կապված իրեն բերման ենթարկելու հետ:
Այսօր խորհրդարանում լրագրողների հետ զրույցում ՀՀ փոխոստիկանապետ Վարդան Մովսիսյանն անդրադառնալով Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանին բերման ենթարկելու փաստին, նշեց, թե չի ցանկանում անդրադառնալ Հայրապետյանի այն հայտարարությանը, թե այս ամենն անում են, որպեսզի իրենց վախեցնեն: Նա լրագրողներին հորդորեց բոլոր հարցերի պատասխանները ստանալ ոստիկանության լրատվական բաժնից:
Երեկ Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանն անդրադառնալով իրեն բերման ենթարկելուն՝ ասել էր, որ մի գեղեցիկ օր էլ ինքն է իշխանություններին «պառկեցնելու ու ոտքերը մաքրելու իրենց վրա»:
ԱԺ փոխնախագահ Ալեն Սիմոնյանն այսօր լրագրողների հետ զրույցում տեղեկացրեց, որ առավոտյան տեղի է ունեցել «Իմ քայլը» խմբակցության խորհրդի նիստը, որը տեխնիկական պատճառներով երեկ հետաձգվել էր:
ԱԺ փոխնախագահ Ալեն Սիմոնյանի խոսքով՝ ինչպես Հյաստանում, այնպես էլ՝ Հայաստանից դուրս, գործում են քաղաքական առումով պարտիզանական խմբեր, որոնք հիմնականում ենթարկվում են Սերժ Սարգսյանի փեսային, Ռոբերտ Քոչարյանի աջակիցներին, Սերժ Սարգսյանի բեկորային մնացորդներին։
ԱԺ «Բարգավաճ Հայաստան» խմակցության պատգամավոր Նաիրա Զոհրաբյանն այսօր խորհրդարանում լրագրողների հետ հանդիպման ընթացքում անդրադառնալով ԵԽԽՎ համազեկուցողների և Վենետիկի հանձնաժողովի նախագահի հայտարությունների վերաբերյալ իշանության ներկայացուցիչների տարբեր մեկնաբանություններին՝ նկատեց՝ այս ամենը հիշեցնում է պատմությունը, որն ասում է՝ հիմա իրենց գովե՞լ են, թե՞ հայհոյել:
ԱԺ «Լուսավոր Հայաստան» խմբակցության ղեկավար Էդմոն Մարուքյանի կարծիքով՝ ԵԽԽՎ համազեկուցողների և Վենետիկի հանձնաժողովի նախագահի հայտարարությունները Սահմանադրական դատարանի և վարչապետի ինստիտուտի միջև առկա իրավիճակի վերաբերյալ՝ որոշակի կոչ են՝ ուղղված իշխանություններին:
