Ռուսաստանը խախտում է մինսկյան համաձայնագրերը. Բայդեն
ZN.UA-ի փոխանցմամբ՝ ԱՄՆ փոխնախագահ Ջոզեֆ Բայդենը հայտարարել է, որ Ղրիմի ու Դոնբասի կապակցությամբ Ռուսաստանի դեմ սահմանված պատժամիջոցները պետք է երկարաձգվեն մինչև մինսկյան համաձայնագրերի ամբողջական իրագործում և Ուկրաինայի սահմանների վերականգնում.
«Պատժամիջոցները, որոնք մենք ներկայում ապահովել ենք, պետք է երկարաձգվեն, որպեսզի Ռուսաստանը կատարի մինսկյան համաձայնագրերով իր բոլոր պարտավորությունները և վերադարձնի Ուկրաինայի սահմանները»:
Բայդենի խոսքերով՝ Ռուսաստանի գործողությունները վկայում են Եվրոպայի սահմանները վերաձևավորելու՝ նրա փորձերի մասին: Բայդենն ընդգծել է, որ Ռուսաստանը խախտում է մինսկյան համաձայնագրերը, օկուպացնում է ուկրաինական տարածքն ու Դոնբաս է ուղարկում իր զորքերը կամ վարձկաններին, տանկեր, հրթիռներ:
