Թուրքիայի արտահանումների ծավալը կազմել է շուրջ 25 մլրդ դոլար

«Թուրքիայի վիճակագրական ինստիտուտի» (TÜİK) և առևտրի նախարարության տվյալներով՝ հունիսին երկրի արտահանումը նախորդ տարվա նույն ժամանակահատվածի համեմատ աճել է 21.7 %-ով՝ կազմելով 24.915 մլրդ դոլար։ Միաժամանակ, ներկրման ծավալներն աճել են 23 %-ով՝ հասնելով 35 մլրդ 285 մլն դոլարի։ Այս մասին տեղեկացնում է ermenihaber.am-ը։

Արտաքին առևտրի դեֆիցիտը հունիսին կազմել է 10.370 մլրդ դոլար, ինչը 26.2 %-ով ավելի է նախորդ տարվա 8.218 մլրդ դոլար ցուցանիշից։

Արտահանման ներկրումը ծածկելու հարաբերակցությունն էլ 71.4 %-ից նվազել է մինչև 70.6 %։