Կիևում անհայտ անձը նռնակ է նետել պատգամավորների ուղղությամբ (տեսանյութ)
Ուկրաինական UNIAN լրատվական գործակալության փոխանցմամբ՝ Կիևում անհայտ անձը նռնակ է նետել Գերագույն ռադայի պատգամավորների ուղղությամբ: Միջադեպը տեղի է ունեցել մայրաքաղաքի կենտրոնում գտնվող «Կիև» հյուրանոցի մոտ, ժամը 23.20-ին:
Անհայտ անձը նռնակ է նետել մի խումբ պատգամավորների ոտքերի տակ, որոնց թվում գտնվել է նաև խորհրդարանի առաջին փոխխոսնակ Անդրեյ Պարուբին: Այս մասին հայտնել է ՆԳՆ-ի մամլո ծառայությունը: Պայթյունից հետո չարագործը դիմել է փախուստի:
Ոստիկանությունը հետաքննություն է սկսել, որի ժամանակ հարձակում գործած անձը վերադարձել է և ևս մեկ նռանկ է նետել նրանց վրա, ինչի հետևանքով տուժել է մեկ ոստիկան: Փորձագետները պարզել են, որ դա РПГ-5 տիպի նռնակ է կամ էլ՝ լուսաձայնային նռնակ:
