Իսրայելում հարգել են Հոլոքոսթի զոհերի հիշատակը
Ռուսական ИТАР-ТАСС լրատվական գործակալության փոխանցմամբ՝ այսօր առավոտյան Իսրայելում հարգել են Հոլոքոսթի զոհերի հիշատակը: Ողջ երկրում անցկացվում են հիշատակի միջոցառումներ՝ նվիրված Երկրորդ համաշխարհային պատերազմի ժամանակ նացիստների կողմից սպանված 6 միլիոն (եվրոպական) հրեաների:
Գլխավոր միջոցառումն անցկացվում է Երուսաղեմում՝ Յադ-Վաշեմ թանգարան-հետազոտական կենտրոնի մոտ: Քնեսեթում (խորհրդարան) անցկացվելու է «Յուրաքանչյուրն ունի անուն» խորագրով միջոցառում, որի ժամանակ ընթերցելու են զոհվածների անունները:
Իսրայելում այսօր չեն հեռարձակվում ժամանցային հաղորդումներ և չեն գործում զվարճանքի վայրերը:
