Ուկրաինայի Գլխավոր դատախազությունն արտոնել է Յանուկովիչին ձերբակալելը
Ռուսական ИТАР-ТАСС լրատվական գործակալության փոխանցմամբ՝ Ուկրաինայի Գլխավոր դատախազությունն արտոնել է նախկին նախագահ Վիկտոր Յանուկովիչին և Ուկրաինայի Անվտանգության ծառայության նախկին ղեկավար Ալեքսանդր Յակիմենկոյին ձերբակալելը և դատարան բերելը:
Այս մասին լրագրողների հետ զրույցում հայտարարել է Ուկրաինայի Անվտանգության ծառայության ղեկավար Վալենտին Նալիվայչենկոն: Ուկրաինայի Գլխավոր դատախազությունը մարտի 28-ին քրեական գործ է հարուցել Յանուկովիչի նկատմամբ՝ կապված Ուկրաինայի կազմում յուրաքանչյուր շրջանի կարգավիճակը հստակեցնելու հարցով հանրաքվե անցկացնելու մասին նրա կոչերի հետ:
Գերատեսչությունում կարծում են, որ Յանուկովիչը ոտնձգություն է իրականացնում Ուկրաինայի ներքին անվտանգության վրա:
