Ֆրանսուա Օլանդը վարչապետի պաշտոնում նշանակել է Մանուել Վալսին
France-Presse լրատվական գործակալության փոխանցմամբ՝ Ֆրանսիայի նախագահ Ֆրանսուա Օլանդն ընդունել է վարչապետ Ժան Մարկ Էյրոյի հրաժարականը և նրա փոխարեն տվյալ պաշտոնում նշանակել է ներքին գործերի նախարար Մանուել Վալսին:
Այդ որոշումը կապված է մարտի 30-ին Ֆրանսիայում անցկացված ՏԻՄ ընտրությունների 2-րդ փուլի հետ, որի արդյունքներով լուրջ պարտություն է կրել իշխող Սոցիալիստական կուսակցությունը: Օլանդի կարծիքով՝ Վալսն օժտված է անհրաժեշտ բոլոր որակներով՝ նախարարների կաբինետը հաջող ղեկավարելու համար:
Նորանշանակ վարչապետը պետք է ձևավորի նոր կառավարություն, որի առջև ծառացած է լինելու երեք հիմնական խնդիր. տնտեսության առողջացում, արտադրության զարգացում և սոցիալական արդարություն:
