Ռուսաստանն ու Չինաստանը համաձայնեցրել են ռուսական գազի մատակարարման հիմնական պայմանները
Ռուսական Интерфакс լրատվական գործակալության փոխանցմամբ՝ ռուսական «Գազպրոմ» և չինական CNPC (China National Petroleum Corporation, Չինաստանի Ազգային նավթային կորպորացիա) ընկերությունները համաձայնեցրել են Արևելյան երթուղով Ռուսաստանից Չինաստան գազի մատակարարման հիմնական պայմանները:
Փաստաթուղթը ստորագրվել է Սանկտ Պետերբուրգում G-20-ի գագաթաժողովի շրջանակներում տեղի ունեցած Ռուսաստանի ու Չինաստանի նախագահներ Վլադիմիր Պուտինի և Սի Ծինփինի հանդիպման արդյունքներով:
«Գազպրոմը» և CNPC-ը մտադիր են Չինաստանին ռուսական գազ մատակարարելու վերաբերյալ պայմանագիրը ստորագրել մինչև այս տարեվերջ:
