Թուրքական F-16 կործանիչները կտեղակայվեն Էստոնիայում՝ Ռուսաստանի սահմանների մոտ
Թուրքական ռազմաօդային ուժերի «Pars» էսկադրիլիան 2026 թվականի օգոստոսից նոյեմբեր ամիսներին կտեղակայվի Էստոնիայի Էմարի ավիաբազայում։
Հինգ F-16 կործանիչից և 76 զինծառայողից բաղկացած էսկադրիլիան շուրջօրյա պատրաստվածության ռեժիմով իրականացնելու է առաքելություն, որն ընդգրկում է Էստոնիայի, Լատվիայի և Լիտվայի օդային տարածքը։
Թեև ձևականորեն առաքելությունն «ուղղված չէ որևէ մեկի դեմ», այնուամենայնիվ, թուրքական Karar թերթը գրում է.
«Թեև առաքելությունը ներառելու է միջամտություն չճանաչված թռչող սարքերի դեպքում, դե-ֆակտո հիմնական ուշադրությունը կենտրոնացված է լինելու ռուսական կործանիչների, տրանսպորտային ինքնաթիռների և անօդաչու թռչող սարքերի վրա»։
