ԵՄ-ն կարող է ընդլայնել դիտորդական առաքելությունը Հայաստանում
Եվրամիության անդամ երկրների արտաքին գործերի նախարարներն այսօր Բրյուսելում կքննարկեն Հայաստանի եւ Ադրբեջանի միջեւ բանակցությունները, ինչպես նաեւ ԵՄ աջակցությունը Երեւանին։
ՏԱՍՍ-ի փոխանցմամբ՝ Եվրամիության բարձրաստիճան պաշտոնյան ասել է, որ ԵՄ-ն կարող է ընդլայնել իր դիտորդական առաքելությունը Հայաստանում՝ ի պատասխան Ադրբեջանի կողմից հանրապետության ինքնիշխանությանն ու տարածքային ամբողջականությանը սպառնալիքներին։
Բացի այդ, նրա խոսքով, ԵՄ-ն քննարկում է, թե ինչպես աջակցել Հայաստանին կայունության ամրապնդման հարցում, այդ թվում՝ անվտանգության ոլորտում։
