![](/banners/BeFunky-design.jpg)
Թեդրոս Գեբրեյեսուսը վերընտրվել է ԱՀԿ ղեկավար
![](https://168.am/wp-content/uploads/2022/05/1611011838-download.jpg)
Թեդրոս Ադհանոմ Գեբրեյեսուսը մայիսի 24-ին վերընտրվել է Առողջապահության համաշխարհային կազմակերպության (ԱՀԿ) ղեկավարի պաշտոնում երկրորդ ժամկետով (2022-2027): Այս մասին հայտնում է «Ինտերֆաքս»-ը։
Այս տարի Գեբրեյեսուսը այդ պաշտոնի միակ թեկնածուն էր, և նա դարձավ ԱՀԿ պատմության մեջ առաջին թեկնածուն, ով առաջադրվել է միանգամից երկու տասնյակից ավելի երկրների կողմից։
Գեբրեյեսուսը ԱՀԿ ղեկավարի պաշտոնը ստանձնել է 2017թվականին։ Մինչ այդ՝ 2012-2016 թվականներին նա եղել է Եթովպիայի արտաքին գործերի նախարարը՝ նախկինում ղեկավարելով երկրի առողջապահության նախարարությունը։