Խոշոր հրդեհ Կալիֆորնիայում. դեպքի վայրում աշխատում են ավելի քան 500 հրշեջներ, ինչպես նաև մի քանի ուղղաթիռներ և ինքնաթիռներ
Կալիֆորնիայի Հյուզ լճի մերձակայքում ծագած հրդեհի պատճառով տարհանվել է ավելի քան 100 տուն: NBC Լոս Անջելեսը հայտնում է, որ չորեքշաբթի օրը բռնկված և արագորեն տարածվող հրդեհը վնասել է շուրջ 10 հազար ակր հողատարածք, այրել կառույցներ:
ԱՄՆ Անտառային ծառայությունից հայտնել են, որ Փալմդեյլ լճից դեպի արևմուտք բռնկված հրդեհն ունեցել է «տարածման արագ տեմպ»՝ բարձր ջերմաստիճանի, ցածր խոնավության և քամիների պատճառով:
Ըստ Լոս Անջելես Թայմսի՝ դեպքի վայրում աշխատում են ավելի քան 500 հրշեջներ, ինչպես նաև մի քանի ուղղաթիռներ և ինքնաթիռներ:
