Գագիկ Ծառուկյանի փաստաբանական թիմը վճռաբեկ բողոք է ներկայացրել
«Բարգավաճ Հայաստան» կուսակցության առաջնորդ Գագիկ Ծառուկյանի փաստաբանական թիմը երկուշաբթի օրը վճռաբեկ բողոք է ներկայացրել ընդդեմ Վերաքննիչ դատարանի որոշման:
Տեղեկությունը 168.am-ի հետ զրույցում հայտնեց Գագիկ Ծառուկյանի փաստաբանական թիմի անդամ Սմբատ Մինասյանը՝ մասնավորապես նշելով. «Ակնակալում ենք, որ դատարանները, վերջիվերջո, մեր բողոքներին ուշադրություն կդարձնեն և օբյեկտիվ դատական ակտ կկայացնեն»:
Հիշեցնենք՝ հուլիսի 8-ին Վերաքննիչ քրեական դատարան, նախագահությամբ դատավոր Մխիթար Պապոյանի, բեկանեց ԲՀԿ առաջնորդ Գագիկ Ծառուկյանի խափանման միջոցի մասին առաջին ատյանի դատարանի որոշումն ու այն հետ ուղարկեց նոր քննության։
