Իսրայելը «կանխարգելիչ hարձակում» է սկսել Իրանի վրա (թարմացվում է)

Իսրայելը կանխարգելիչ հարված է հասցրել Իրանին, հայտարարել է Իսրայելի պաշտպանության նախարար Իսրայել Կացը, փոխանցում է Channel 12-ը, փոխանցում է rbc.ru-ն։

Թեհրանում երեք պայթյուն է տեղի ունեցել, հաղորդում է տեղական Fars գործակալությունը:

Իրանական Tasnim գործակալությունը հաստատում է Թեհրանում տեղի ունեցած պայթյունները և հայտնում Իսրայելի կողմից հարձակման մասին։

10:52

Պայթյուններ են հնչել Թեհրանի Մեհրաբադ օդանավակայանում։

10:54

Ըստ իրանական ԶԼՄ-ների՝ թիրախում է եղել Իրանի հոգևոր առաջնորդ Ալի Խամենեին։ Սակայն Reuters-ի պաշտոնական ներկայացուցիչը հայտնել է, որ Խամենեին Թեհրանում չէ. նա տեղափոխվել է անվտանգ վայր։

10:57

ISNA-ն հաղորդում է, որ Թեհրանի արևելքում ևս մեկ պայթյուն է որոտացել։

11:02

Իրանը ևս փակել է օդային տարածքը

11:06

Իսրայելի հարձակումները իրականացվում են Դամասկոսի երկնքից։ Տեղեկացված աղբյուրը ISNA-ի հետ զրույցում, անդրադառնալով այս հարձակումների ծավալներին, հայտարարել է՝ նախնական հարձակումների ինտենսիվությունն ու մասշտաբները, հատկապես որոշ զգայուն կետերում, հանգեցրել են Իսլամական հեղափոխության պահապանների կորպուսի մեծ թվով աշխատակիցների զոհվելուն և վիրավորվելուն, որոնցից շատերը ծառայել են կարևոր օպերատիվ և մասնագիտացված պաշտոններում։

11:08

Աբբաս Ջուման գրում է, որ ԶԼՄ-ները, հղում անելով ամերիկացի պաշտոնյաներին, հայտնում են՝ գործողությունը ծրագրվել է մի քանի ամիս առաջ, իսկ դրա իրականացման թույլտվությունը տրվել է մի քանի շաբաթ առաջ։ «Եթե սա համապատասխանում է իրականությանը, ապա բանակցությունները կարող էին պարզապես ուշադրությունը շեղելու միջոց լինել»,-նշում է նա։

Ըստ Ջումայի՝ Թեհրանում հաստատված թիրախներն են՝ Իրանի հետախուզության նախարարությունը, Իրանի պաշտպանության նախարարությունը, Գերագույն առաջնորդի գրասենյակը և Իրանի ատոմային էներգիայի կազմակերպությունը։

11:09

Պայթյունի ձայներ են լսվել նաև Սպահանում, Ղոմում, Լորեստանում, Քերմանշահում, Քարաջում և Թավրիզում․ գրում են իրանական լրատվամիջոցները։

11:10

ԱՄՆ կենտրոնական հրամանատարությունը հրաժարվել է մեկնաբանել Իրանի դեմ ռազմական գործողությանը ամերիկյան ուժերի հնարավոր ներգրավվածությունը։

11:11

Իսրայելի կողմից Իրանի դեմ իրականացվող հատուկ ռազմական գործողությունը, ըստ տեղեկությունների, կոչվում է «Հուդայի վահան»։

11:16

Իսրայելական լրատվամիջոցները հղում անելով անվտանգության համակարգի անանուն պաշտոնյայի նշում են, թե Իսրայելը պատրաստվել է քառօրյա ինտենսիվ համատեղ հարվածների: Նա նշել է, թե՝ Թեհրանը այլեւս չի ունենա այն տեսքը, ինչ նախկինում, ըստ ամենայնի նկատի ունենալով, որ հասցվելու են մասշտաբային ավերիչ հարվածներ:

11:17

Flightradar-ի տվյալներով՝ Emirates, Flydubai և Air Arabia ընկերությունների ինքնաթիռները սկսել են լքել Իրանի օդային տարածքը։

11:18

11:19

Իրաքը փակել է իր օդային տարածքը՝ Իսրայելի կողմից Իրանի վրա հասցված հարվածների ֆոնին, հաղորդում է INA լրատվական գործակալությունը՝ հղում անելով երկրի տրանսպորտի նախարարությանը։

11:20

ԱՄՆ-ն կարծում է, որ Իրանի վրա նոր հարձակումը կլինի ավելի լայնածավալ, քան 2025 թվականի հունիսին իրանական միջուկային օբյեկտներին հասցված հարվածները, հաղորդում է NYT-ը։

11:21

Իսրայելի հիվանդանոցները անցնում են պատրաստվածության ամենաբարձր մակարդակի, դրանք տեղափոխում են պաշտպանված տարածքներ, հայտնում է երկրի առողջապահության նախարարությունը։

11:22

ԱՄՆ-ն հարվածներ է հասցնում իրանական թիրախներին օդից և ծովից, հաղորդում է Reuters-ը։

11:23

11:24

Իրանը պատրաստվում է պատասխան միջոցառումների Թեհրանի վրա հարվածներից հետո: Այս մասին, ինչպես հաղորդում է Reuters-ը, հայտարարել է Իրանի խորհրդարանի ազգային անվտանգության հարցերի հանձնաժողովի նախագահ Էբրահիմ Ազիզը:

11:31

Իրավիճակը Թեհրանում

11:31

Թել Ավիվը թիրախավորել է Իրանի ղեկավարության բոլոր անդամներին:

11:32

Իրանի արևմուտքում գտնվող Իլամ քաղաքում պայթյուն է որոտացել։

11:33

Թրամփը հայտարարել է Իրանի դեմ լայնածավալ ռազմական գործողության մեկնարկի մասին:

11:36

Ըստ Tasnim գործակալության՝ 7 հրթիռ է արձակվել Իրանի նախագահական պալատի և Գերագույն առաջնորդ Խամենեի համալիրի մոտակայքում։

11:47

Իրանի նախագահ Փեզեշքիանը չի տուժել հարվածներից, հաղորդում է Mehr-ը։

11:48

Օդային տարածքը Մերձավոր Արևելքում այս պահին:

12:01

Սա ձեր միակ հնարավորությունն է, ասել է Թրամփը՝ դիմելով իրանցիներին

«Երբ մենք ավարտենք, վերցրեք կառավարությունը, այն ձերն է լինելու: Սա, հավանաբար, կլինի ձեր միակ հնարավորությունը մի քանի սերունդների համար»,-ասել է Թրամփը։

12:14

Իսրայելի բանակը հայտնել է, որ արձանագրել է Իրանի տարածքից հրթիռների արձակում։

Հաղորդվում է, որ Իսրայելի ուղղությամբ արձակվել է իրանական բալիստիկ հրթիռների առաջին ալիքը։ Արձակվել է 30 հրթիռ։

12:34

Իրանական ISNA-ն հաղորդում է, որ Թեհրանի կառավարական թաղամասը ենթարկվել է ԱՄՆ-ի և Իսրայելի կողմից հարձակման

12:36

Իրանական լրատվամիջոցները հաղորդում են, որ Իրանը հրթիռային հարձակման նոր ալիք է սկսել Իսրայելի ուղղությամբ։

12:40

Իրավիճակը Թեհրանում

12:47

Թեհրանի կենտրոնում հրթիռային հարվածի հետևանքով մի քանի բնակարաններ են ավերվել։

12:48

Իրավիճակը Հայֆայում, Իսրայել

12:49

Իրանի ՆԳՆ-ն Վաշինգտոնի և Թել Ավիվի գործողությունները որակել է որպես ագրեսիա։

12:56

ԱՄՆ-ի և Իսրայելի հարվածներից հետո Իրանի համար կարմիր գծեր չկան, հաղորդում է Al Jazeera-ն։

13:02

Բահրեյնում պայթյուններ են որոտացել

Տեղեկություններ են ստացվում ԱՄԷ-ում գտնվող Ալ-Դհաֆրա ամերիկյան ռազմաբազայում պայթյունների մասին։

13:03

Իրավիճակը Թեհրանում:

13:14

Մերձավորարևելյան աղբյուրները գրում են, որ պայթյուններ են նաև Քուվեյթում գտնվող ամերիկյան ռազմաբազայում։

13:15

Իրանի վրա ԱՄՆ-Իսրայել հարձակումից անցել է ընդամենը մի քանի ժամ, բայց արդեն հարվածներ կան հարակից այլ պետություններում.

📍Եմեն
📍Բահրեյն
📍Իսրայել
📍Արաբական Միացյալ Էմիրություններ
📍Քուվեյթ
📍Կատար

Ցանկը կմեծանա, ցավոք, գրել է պ.գ.թ., թյուրքագետ Վարուժան Գեղամյանը:

13:24

Աբու Դաբիում պայթյուններ են որոտացել

ԱՄԷ մայրաքաղաք Աբու Դաբիում պայթյուններ են լսվել, ՌԻԱ Նովոստիին պատմել են ականատեսները։