Պակիստանը հարվածներ է հասցրել Աֆղանստանի տարածքին

Պակիստանը հայտարարել է Աֆղանստանում զինյալների թիրախների վրա հարվածներ հասցնելու մասին, տեղեկացնում է Reuters-ը։

Պակիստանը մեղադրել է Աֆղանստանի զինյալներին վերջին ահաբեկչական, այդ թվում՝ մուսուլմանների համար սրբազան Ռամադանի ամսվա ընթացքում իրականացված հարձակումների մեջ։

Աֆղանստանում իշխող «Թալիբան» շարժումը հայտարարել է, որ հարձակումների հետևանքով տասնյակ զոհերի և վիրավորների թվում եղել են նաև կանայք ու երեխաներ։